Aita ketelik, Batystyń birqatar elinde poker sporttyq oiyn dep sanalady, tipti ulttyq deńgeidegi týrnirler ótkiziledi. Al telearnadan tamashalaý, ǵalamtordan kórý jaǵynan poker fýtbol men basketbol sportynan keiingi úshinshi orynda.
Sporttyq poker Qazaqstanda da keńinen damyp keledi. Bul tarapta elimizdiń namysyn qorǵap túri týrnirlerge qatysatyn, onyń ishinde Las-Vegasta ótetin pokerden Álem birinshiliginde baq synaityn qazaqstandyqtardyń bar ekenin bireý bilse, bireý bilmes. Al osy sport mamandary, óz kezeginde: «sporttyq pokerdi jarnamalaýǵa aqparat quraldary da úles qossa» deidi.
Al jýrnalisterge arnalǵan osy jolǵy básekeni uiymdastyrýǵa sport jýrnalisi Roman Lopatenko muryndyq boldy.
- Mundai deńgeidegi jarysty ótkizý kópten beri oiymda júrgen edi. Osylaisha Qazaqstan sporttyq poker federatsiiasynyń prezidenti Altai Qaiyrbekovtyń qoldaýymen osy jarysty Qapshaǵai oiyn zalyndaǵy «Makao» kazinosynda ótkizýge bel bailadyq, – dedi ol óz sózinde.
Úsh kezeńdik jarystyń nátijesinde aqtyq synǵa shyqqan 16 úmitker irikteldi. Olar óz kezeginde aldaǵy ýaqytta ótetin báigeniń «bir de bir» básekesinde úzdikti anyqtaidy. Jeńimpaz halyqaralyq EPT Prague poker festivaline joldama alady.
Madiiar Júnisbaev
