ايتا كەتەلىك، باتىستىڭ ءبىرقاتار ەلىندە پوكەر سپورتتىق ويىن دەپ سانالادى، ءتىپتى ۇلتتىق دەڭگەيدەگى تۋرنيرلەر وتكىزىلەدى. ال تەلەارنادان تاماشالاۋ، عالامتوردان كورۋ جاعىنان پوكەر فۋتبول مەن باسكەتبول سپورتىنان كەيىنگى ءۇشىنشى ورىندا.
سپورتتىق پوكەر قازاقستاندا دا كەڭىنەن دامىپ كەلەدى. بۇل تاراپتا ەلىمىزدىڭ نامىسىن قورعاپ ءتۇرى تۋرنيرلەرگە قاتىساتىن، ونىڭ ىشىندە لاس-ۆەگاستا وتەتىن پوكەردەن الەم بىرىنشىلىگىندە ب ا ق سىنايتىن قازاقستاندىقتاردىڭ بار ەكەنىن بىرەۋ بىلسە، بىرەۋ بىلمەس. ال وسى سپورت ماماندارى، ءوز كەزەگىندە: «سپورتتىق پوكەردى جارنامالاۋعا اقپارات قۇرالدارى دا ۇلەس قوسسا» دەيدى.
ال جۋرناليستەرگە ارنالعان وسى جولعى باسەكەنى ۇيىمداستىرۋعا سپورت ءجۋرناليسى رومان لوپاتەنكو مۇرىندىق بولدى.
- مۇنداي دەڭگەيدەگى جارىستى وتكىزۋ كوپتەن بەرى ويىمدا جۇرگەن ەدى. وسىلايشا قازاقستان سپورتتىق پوكەر فەدەراسياسىنىڭ پرەزيدەنتى التاي قايىربەكوۆتىڭ قولداۋىمەن وسى جارىستى قاپشاعاي ويىن زالىنداعى «ماكاو» كازينوسىندا وتكىزۋگە بەل بايلادىق، – دەدى ول ءوز سوزىندە.
ءۇش كەزەڭدىك جارىستىڭ ناتيجەسىندە اقتىق سىنعا شىققان 16 ۇمىتكەر ىرىكتەلدى. ولار ءوز كەزەگىندە الداعى ۋاقىتتا وتەتىن بايگەنىڭ «ءبىر دە ءبىر» باسەكەسىندە ۇزدىكتى انىقتايدى. جەڭىمپاز حالىقارالىق EPT Prague پوكەر فەستيۆالىنە جولداما الادى.
ماديار جۇنىسبايەۆ
