Petropavl zaýyty sý tasqyny jaǵdaiyn táýlik boiy baqylaý úshin TJD-ny óz óndirisindegi drondarmen qamtamasyz etti.
Premer-Ministrdiń birinshi orynbasary Roman Skliar Jedel shtabtyń jumysyn tekserdi.
Jergilikti kásiporyn «Petropavl aýyr mashina jasaý zaýyty» AQ shtabty sý tasqyny qaýpi joǵary aimaqtardy barlaý úshin teplovizory bar drondarmen jáne ushqyshsyz ushý apparatymen qamtamasyz etti.
Roman Skliar tehnologiialyq múmkindikterdi paidalanyp, tasqyn qaýpi bar aimaqtaǵy sýdyń tolyp ketý deńgeiin naqty ýaqyt rejiminde baqylaýǵa kirisýdi tapsyrdy.
Atqarylyp jatqan jumystardyń esebin tyńdaǵan Premer-Ministrdiń birinshi orynbasary aýmaqty sýretke túsirý jáne derekterdi ishki radiobailanysy bar kartaǵa 2D formatynda lezde jiberý úshin barlaý drondaryn belsendi paidalaný qajettigin atap ótti.
«Tasqyn sý qalaǵa jetti, sondyqtan biz kezekshilikti turaqty túrde qamtamasyz etýimiz kerek. Barlyq mobildi toptar tolyǵymen daiyn turýy qajet. Jergilikti jerde jumys isteitin toptar jaǵdaidy dereý habarlaýy tiis. Sý tasqyny qaýpiniń qanshalyqty mańyzdy ekenin túsine almaityn azamattar bolsa, evakýatsiia júrgizilgen barlyq eldi mekenderdi qaita tekserýdi tapsyramyn. Barlyq adamdardyń qaýipsiz aimaqta bolýyn qadaǵalaý kerek», — dep tapsyrdy Roman Skliar.
Premer-Ministrdiń birinshi orynbasary tótenshe jaǵdaidyń aldyn alý úshin barlyq mobildi toptar, arnaiy tehnikalar, qosymsha júk tiegishter, inertti materialdar tasqyn qaýpin joiýǵa daiyn bolýy kerektigin basa aitty.
