Petropavlda ornalasqan bir sýpermarkette taýar baǵalarynyń rúblmen kórsetilýi jergilikti turǵyndar arasynda narazylyq týdyrdy. Bul jaǵdaı boıynsha qala turǵyny tutynýshylardyń quqyqtaryn qorǵaý jáne saýda salasyn retteý departamentine shaǵym túsirgen, dep habarlaıdy Dalanews.kz
Stan.kz basylymynyń málimetinshe,dúken sórelerindegi birqatar ónimniń quny ulttyq valúta – teńgemen emes, reseı rúblmen jazylǵan. Departament mamandary shaǵym boıynsha jospardan tys tekseris júrgizip, faktini rastady.
Tekserý nátıjesinde sýpermarket ıesine ákimshilik aıyppul salynyp, zańbuzýshylyqty joıý týraly resmı nusqama berildi. Vedomstvo ókilderi mundaı áreket tutynýshylardy shatastyryp qana qoımaı, olardyń quqyqtaryn buzatynyn atap ótti. Baǵa belgileý talaptarynyń saqtalmaýy esep aıyrysý kezinde túsinbeýshilikke ákelýi múmkin.
Aıta keteıik, buǵan deıin de eldiń shyǵysynda balalar dúkenine rúblmen baǵa qoıǵany úshin aıyppul salynǵan edi.
