Soltústik Qazaqstan oblysynyń ákimi Ǵaýez Nurmuhambetov Petropavl qalasynyń ataýyna bailanysty pikir bildirdi, dep habarlaidy Dalanews.kz.
Aitýynsha, bul taqyryp ázirge qarastyrylmaǵan.
“Búgingi kún tártibinde abattandyrý, jylýmen qamtý, áleýmettik salaǵa qatysty máseleler mańyzdy bolyp tur. Petropavldyń atyn ózgertýdi kútýge bolady, biraq bunyń saiasatqa qatysy joq”, - dedi ol.
Osy tusta ákim bul suraq turǵyndar tarapynan mańyzdy máseleniń biri bolyp jatsa, onda aldaǵy ýaqytta usynysqa bei-jai qaramaitynyn alǵa tartty.
“Muny onomastikalyq komissiia arqyly sheshemiz. Eger kópshilik tarapynan ataýdy ózgertýge bailanysty qoldaý tabylsa, biz ony qarastyramyz”, - dedi Ǵaýez Nurmuhambetov.
