Peterbýrgtegi Lensk kóshesiniń boiyndaǵy táýlik boiy isteitin dúken mańynda 17 jastaǵy Tájikstan azamatyn birneshe jerden pyshaqtap, eki saýsaǵyn kesip tastaǵan. Aýyr jaralanǵan jasóspirimdi aýrýhanaǵa jetkizip úlgergenimen, ol sol jerde qaitys boldy.
Kisi óltirgen degen kúdikpen 16-dan 18 jasqa deiingi úsh jigit jáne 15 jastaǵy qyz ustaldy. Olardyń soiyldary, pyshaqtary jáne machetesy bolǵan. Tergeý nusqasy boiynsha, qaitys bolǵan jasóspirim túnde dúkenge bara jatqan jolda soqqyǵa jyǵylǵan. Qylmysty Krasnogvardeisk aýdanynyń politsiiasy tergep jatyr.
Kisi óltirý faktisi boiynsha qylmystyq is qozǵaldy. Peterbýrgtegi adam quqyǵyn qorǵaý keńesiniń múshesi Iýrii Vdovinniń pikirinshe, Reseide qazir ksenofobiia órship tur, qoǵamnyń eń eliktegish bóligi sanalatyn jastar men jasóspirimder soǵan birinshi bolyp urynady.
Bilik bundai áreketke barǵandardy qatań jazalamasa, onda elde birneshe jyl burynǵydai ulttyq jekkórýshilikke qatysty kisi ólimderi óse beredi, dep esepteidi Vdovin.
