پەتەربۋرگتەگٸ لەنسك كٶشەسٸنٸڭ بويىنداعى تەۋلٸك بويى ٸستەيتٸن دٷكەن ماڭىندا 17 جاستاعى تەجٸكستان ازاماتىن بٸرنەشە جەردەن پىشاقتاپ, ەكٸ ساۋساعىن كەسٸپ تاستاعان. اۋىر جارالانعان جاسٶسپٸرٸمدٸ اۋرۋحاناعا جەتكٸزٸپ ٷلگەرگەنٸمەن, ول سول جەردە قايتىس بولدى.
كٸسٸ ٶلتٸرگەن دەگەن كٷدٸكپەن 16-دان 18 جاسقا دەيٸنگٸ ٷش جٸگٸت جەنە 15 جاستاعى قىز ۇستالدى. ولاردىڭ سويىلدارى, پىشاقتارى جەنە ماچەتەسى بولعان. تەرگەۋ نۇسقاسى بويىنشا, قايتىس بولعان جاسٶسپٸرٸم تٷندە دٷكەنگە بارا جاتقان جولدا سوققىعا جىعىلعان. قىلمىستى كراسنوگۆاردەيسك اۋدانىنىڭ پوليتسيياسى تەرگەپ جاتىر.
كٸسٸ ٶلتٸرۋ فاكتٸسٸ بويىنشا قىلمىستىق ٸس قوزعالدى. پەتەربۋرگتەگٸ ادام قۇقىعىن قورعاۋ كەڭەسٸنٸڭ مٷشەسٸ يۋريي ۆدوۆيننٸڭ پٸكٸرٸنشە, رەسەيدە قازٸر كسەنوفوبييا ٶرشٸپ تۇر, قوعامنىڭ ەڭ ەلٸكتەگٸش بٶلٸگٸ سانالاتىن جاستار مەن جاسٶسپٸرٸمدەر سوعان بٸرٸنشٸ بولىپ ۇرىنادى.
بيلٸك بۇنداي ەرەكەتكە بارعانداردى قاتاڭ جازالاماسا, وندا ەلدە بٸرنەشە جىل بۇرىنعىداي ۇلتتىق جەككٶرۋشٸلٸككە قاتىستى كٸسٸ ٶلٸمدەرٸ ٶسە بەرەدٸ, دەپ ەسەپتەيدٸ ۆدوۆين.
