Perizat Qairatqa qatysty qordyń taǵdyry túbegeili sheshildi, - dep habarlaidy Dalanews.kz
Astananyń apelliatsiialyq soty Perizat Qairat qurǵan Biz Birgemiz Qazaqstan 2030 qaiyrymdylyq qoryn taratý týraly sheshimdi kúshinde qaldyrdy.
Buǵan deiin Ekonomikalyq sot Ádilet ministrliginiń talap-aryzy negizinde qordy májbúrli túrde taratý týraly sheshim shyǵarǵan bolatyn. Sot materialdaryna sáikes Perizat Qairat qordy tirkeý kezinde ózge "quryltaishylardyń" qoldaryn qoldan jasap, jalǵan qujat tapsyrǵan. Sot saraptamasy bul derekti rastaǵan, al hattamada aty-jóni kórsetilgen adamdar bul jobaǵa esh qatysy joq ekenin málimdegen.
Sot tirkeý barysynda zań talaptary buzylǵanyn jáne azamattardyń kelisiminsiz olardyń jeke derekterin paidalaný arqyly konstitýtsiialyq quqyqtary buzylǵanyn anyqtap, dál osy jaǵdai qordy taratýǵa negiz bolǵanyn málimdedi.
Eske salaiyq, jýyrda Perizat Qairat pen anasynyń isi sotqa tústi.
"Olar Qazaqstan Respýblikasynyń azamattary men uiymdarynan múgedek balalarǵa, sondai-aq, Qazaqstanda sý tasqynynan jáne Taiaý Shyǵystaǵy qaqtyǵystan zardap shekken adamdarǵa qaiyrymdylyq kórsetý jeleýimen jinalǵan 3 milliardtan asa teńgeni jymqyrǵan dep aiyptalyp otyr", - dep jazylǵan buǵan deiingi prokýratýranyń habarlamasynda.
