Májilis otyrysynda "Aqjol" partiiasy taýarlardy mindetti tańbalaýdan bas tartý qajet ekenin aityp, depýtattyq saýal joldady, - dep habarlaidy Dalanews.kz.
Aqjol partiiasy prezident 2019 jylǵy 2 qyrkúiektegi Qazaqstan halqyna Joldaýynda "Úkimet Salyq kodeksinde kózdelmegen barlyq tólemderge tyiym salýy kerek. Bul shyn máninde qosymsha salyq" dep málimdegenin atap ótti.
"Bul rette taýar óndirý jáne satýmen ainalysatyn otandyq kásipkerler mindetti tańbalaýǵa qatysty "Aqjol" dempartiiasyna áli de júginip jatyr. Eske salaiyq, "Aq jol" fraktsiiasy mundai tańbalaýdy engizýge 2014 jyldan beri qarsy shyǵyp, birneshe ret depýtattyq saýal joldap, úkimetke kórshilerimizdiń bul jobasyna veto salýdy usynǵan bolatyn. 2018 jyly halyq tutynatyn taýarlardy tańbalaýdy engizý týraly EAEO kelisimin ratifikatsiialaýdy jalǵyz "Aq jol" fraktsiiasy qoldamaǵan edi.
Birinshiden, tańbalaý shaǵyn jáne orta bizneske qosymsha qarjylyq júktemeni týdyryp, olardy tiisti jabdyqty satyp alýǵa, qosymsha eseptilikti júrgizýge, qosymsha qyzmetkerlerdi jaldaýǵa jáne t.b. májbúrleidi", - delingen depýtattyq saýalda.
Partiia ókilderi tańbalaýdyń maqsaty kontrafakttan qorǵaý ekenin aitady.
"Biraq sonymen birge úkimet ony biznestiń eń kóleńkeli túrine – iaǵni kúshti alkogoldi óndirý men ainalymyna engizgisi kelmeidi. Bul salany árdaiym Eski Qazaqstannyń laýazymdy tulǵalary "qorǵap" kelgendikten shyǵar. Onyń ornyna tańbalaý eń aldymen qarapaiym halyqtyń kerekti – aiaq kiim, dári-dármek, t.b. úshin engizildi".
Bul birden shaǵyn jáne orta biznes shyǵynyna ǵana emes, sonymen qatar taýarlardyń qymbattaýyna ákep soqqan.
"Máselen, sút ónimderine jasalǵan pilottyq joba kórsetkendei, onda baǵa 39 paiyzǵa ósken, sondyqtan sheneýnikter sútti tańbalaýdan bas tartýǵa májbúr boldy. Biraq aiaq kiim dúkenderiniń málimeti boiynsha arzan aiaq kiim baǵasynyń ósýi shamamen 25 paiyzdy quraǵan aiaq kiimder úshin tańbalaýdy sonda da engizip otyr. 1 shildeden bastap dárilik zattardy mindetti túrde tańbalaý engiziledi. Onda da dárihanalar buryn qoljetimdi dáriler baǵasynyń 30 paiyzǵa qymbattaýyn kútýde. Úkimet basqa da halyq tutynatyn taýarlarǵa tańbalaýdy engizýdi josparlap otyr. Bul jaǵdaida biraz shaǵyn kásiporyndar bankrotqa ushyrap, jabylady. Naryqty úlken jeliler basyp jatyr. Olar negizinen qazaqstandyq emes, reseilik jeliler.
Al otandyq shaǵyn biznes órkenietti naryqtan yǵystyrylyp, bazarlyq ádisterge kóshedi. Tiisinshe, biz joiýdyń ornyna, kerisinshe, kóleńkeli naryqty ulǵaityp, eń qajetti taýarlardyń qoljetimdigin tómendetemiz", - deidi partiia ókilderi.
Joǵaryda aitylǵandardy negizge ala otyryp, "Aq jol" depýtattyq fraktsiiasy taǵy da Úkimetti reseilik quraldyń jónsizdigin qaita qaraýǵa shaqyrady.
