Áıgili fransýz komıgi, akter Per Rıshar Máskeý turǵyndary úshin «Per Rıchard III» dep atalatyn monospektakliniń alǵashqy tanystyrylymyn ótkizbekshi.

Akterdiń óz ómiri jaıynda baıandalatyn monospektakl Máskeýdegi «Kosmos» konsert zalynda ótedi dep kútilýde. Qoıylym qarsańynda jýrnalısermen júzdesken akter qoıylymda óz ómirin, etjaqyn adamdary, sahnadaǵy áriptesteri jaıynda syr shertetinin alǵa tartqan. Sonymen qatar ol spektákl barysynda jeke muraǵatyndaǵy jurt nazaryna usynylmaǵan beınematerıaldardy da kórsetetinin aıtty.

«Per Rıchard III» qoıylymy komedıalyq jáne dramalyq janrlar qatar júretin – ótkendi eske túsiretin spektákl dep qarastyrý kerek ekenin alǵa tartty.

Ol monospektaklin Qyrymda da qoıýdy josparlaǵan-dy. Biraq budan saıası astar izdeýshiler kóbeıgen soń, ol Qyrymǵa barýdan bas tartypty. Búginde kıno salasynda tanylyp, mol qarjyǵa kenelgen Fransıanyń óner adamdary Reseıden shyqpaıtyny jasyryn emes. Aldaǵy ýaqytta Per Rıshar da ónerdegi áriptesi Jerar Deparde sıaqty Reseı azamattyǵyn alyp jatsa, tańǵalmaımyz.

"QmD" aqparat