Qazaqstan parlamenti kámeletke tolmaǵandarǵa qarsy jynystyq qylmys jasaǵandardy májbúrlep «himiialyq ádispen pishtirý» týraly zańnamalyq qosymshany maquldady.
Bas prokýratýra pedofiliia úshin aiyptalǵandardy himiialyq jomen átek qylý týraly bastamany byltyrǵy jyldyń qazan aiynda kótergen. Zań jobasy Qazaqstan prezidentine qol qoiýǵa joldandy.
Senat depýtaty Birǵanym Áitimova himiialyq pishtirý - bir rettik egý arqyly «adamdy jynystyq zorlyq-zombylyqtan aýlaq etetin» qajet shara ekenin aitty. «Novosti–Kazahstan» agenttigi senatordyń: «Bul degenimiz, bir rettik ekpeden soń, ol ómir boiy sondai bop qalady degen sóz emes.Jáne ol tek sottyń sheshimimen júzege asatyn shara» degen sózderin keltiredi.
Bul qujatta sonymen birge jetim balalar, ata-anasynyń qamqorlyǵynan aiyrylǵan balalar týraly respýblikalyq málimetter bazasyn júrgizý jáne qupiia málimetterdi alýǵa qatysty birqatar túzetýler engizilgen. Zań jobasyn plenarlyq otyrysta tanystyrǵan senator Áitimova qazir elde bes millionnan astam bala baryn, onyń ishinde toǵyz myńy balalar úiinde tárbielenip jatqanyn aitty.
