قازاقستان پارلامەنتى كامەلەتكە تولماعاندارعا قارسى جىنىستىق قىلمىس جاساعانداردى ماجبۇرلەپ «حيميالىق ادىسپەن ءپىشتىرۋ» تۋرالى زاڭنامالىق قوسىمشانى ماقۇلدادى.
باس پروكۋراتۋرا پەدوفيليا ءۇشىن ايىپتالعانداردى حيميالىق جومەن اتەك قىلۋ تۋرالى باستامانى بىلتىرعى جىلدىڭ قازان ايىندا كوتەرگەن. زاڭ جوباسى قازاقستان پرەزيدەنتىنە قول قويۋعا جولداندى.
سەنات دەپۋتاتى ءبىرعانىم ءايتىموۆا حيميالىق ءپىشتىرۋ - ءبىر رەتتىك ەگۋ ارقىلى «ادامدى جىنىستىق زورلىق-زومبىلىقتان اۋلاق ەتەتىن» قاجەت شارا ەكەنىن ايتتى. «نوۆوستي–كازاحستان» اگەنتتىگى سەناتوردىڭ: «بۇل دەگەنىمىز، ءبىر رەتتىك ەكپەدەن سوڭ، ول ءومىر بويى سونداي بوپ قالادى دەگەن ءسوز ەمەس.جانە ول تەك سوتتىڭ شەشىمىمەن جۇزەگە اساتىن شارا» دەگەن سوزدەرىن كەلتىرەدى.
بۇل قۇجاتتا سونىمەن بىرگە جەتىم بالالار، اتا-اناسىنىڭ قامقورلىعىنان ايىرىلعان بالالار تۋرالى رەسپۋبليكالىق مالىمەتتەر بازاسىن جۇرگىزۋ جانە قۇپيا مالىمەتتەردى الۋعا قاتىستى ءبىرقاتار تۇزەتۋلەر ەنگىزىلگەن. زاڭ جوباسىن پلەنارلىق وتىرىستا تانىستىرعان سەناتور ءايتىموۆا ءقازىر ەلدە بەس ميلليوننان استام بالا بارىن، ونىڭ ىشىندە توعىز مىڭى بالالار ۇيىندە تاربيەلەنىپ جاتقانىن ايتتى.
