Pedofilder men terroristerdiń elge kelýin tyiym salatyn zań daiyndalýda
Qazaqstan sottalǵan pedofilder men terroristerdi elge kirgizýge tyiym salatyn zań qabyldaýdy josparlap otyr.
Májilis keibir zańnamalyq aktilerge halyqtyń kóshi-qony salasyndaǵy zańnamany jetildirý máseleleri boiynsha ózgerister men tolyqtyrýlar engizý týraly zań jobasyn qaraýǵa kiristi.
Depýtat Snejanna Imashevanyń aitýynsha, zań jobasyn bir top depýtat ázirlegen. Qujattyń maqsaty – halyqtyń kóshi-qony týraly zańdy jáne qoldanystaǵy ózge de zańdardy jetildirý.
– Zań jobasy kóshi-qon salasyndaǵy zańnamanyń saqtalýyna memlekettik baqylaýdy júzege asyrý tártibin aiqyndaý, kámeletke tolmaǵandardyń jynystyq tiispeýshiligine qarsy qylmystar úshin sottalǵandardyń bizdiń elge kelýin, Qazaqstan azamattyǵyn alýyn shekteý, ekstremistik nemese terroristik áreketke qatysy bar sheteldikterge elimizge kelýine tyiym salý, tótenshe jaǵdailarda qoldanylý merzimi ótken qujattardy paidalaný máselelerin retteý jáne taǵy basqa túzetýlerdi kózdeidi, – dedi Snejanna Imasheva májilistiń jalpy otyrysynda.
