قازاقستان سوتتالعان پەدوفيلدەر مەن تەرروريستەردى ەلگە كىرگىزۋگە تىيىم سالاتىن زاڭ قابىلداۋدى جوسپارلاپ وتىر.
ءماجىلىس كەيبىر زاڭنامالىق اكتىلەرگە حالىقتىڭ كوشى-قونى سالاسىنداعى زاڭنامانى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسىن قاراۋعا كىرىستى.
دەپۋتات سنەجاننا يماشيەۆانىڭ ايتۋىنشا، زاڭ جوباسىن ءبىر توپ دەپۋتات ازىرلەگەن. قۇجاتتىڭ ماقساتى – حالىقتىڭ كوشى-قونى تۋرالى زاڭدى جانە قولدانىستاعى وزگە دە زاڭداردى جەتىلدىرۋ.
– زاڭ جوباسى كوشى-قون سالاسىنداعى زاڭنامانىڭ ساقتالۋىنا مەملەكەتتىك باقىلاۋدى جۇزەگە اسىرۋ ءتارتىبىن ايقىنداۋ، كامەلەتكە تولماعانداردىڭ جىنىستىق تيىسپەۋشىلىگىنە قارسى قىلمىستار ءۇشىن سوتتالعانداردىڭ ءبىزدىڭ ەلگە كەلۋىن، قازاقستان ازاماتتىعىن الۋىن شەكتەۋ، ەكسترەميستىك نەمەسە تەرروريستىك ارەكەتكە قاتىسى بار شەتەلدىكتەرگە ەلىمىزگە كەلۋىنە تىيىم سالۋ، توتەنشە جاعدايلاردا قولدانىلۋ مەرزىمى وتكەن قۇجاتتاردى پايدالانۋ ماسەلەلەرىن رەتتەۋ جانە تاعى باسقا تۇزەتۋلەردى كوزدەيدى، – دەدى سنەجاننا يماشيەۆا ءماجىلىستىڭ جالپى وتىرىسىندا.
