Pavlodar oblystyq psihikalyq densaýlyq ortalyǵynda áleýmettik jelide taraǵan naýqastardy uryp-soǵý týraly aqparatqa bailanysty qyzmettik tekseris bastaldy, dep habarlaidy dalanews.kz.
Ortalyqtyń málimetinshe, jariialanǵan aqparatqa bailanysty qyzmettik tergeý júrgiziledi. Ázirge patsientter tarapynan resmi shaǵymdar men ótinishter túspegen.
Buǵan deiin áleýmettik jelilerde ortalyqtyń erler bóliminde emdelip jatqan naýqastarǵa qatygezdik kórsetiletini týraly aqparat taraǵan bolatyn. Jazba avtorlarynyń aitýynsha, egde jastaǵy patsientter beinebaqylaý kameralary ornatylmaǵan oryndarda, ásirese dárethanalarda soqqyǵa jyǵylady.
Sondai-aq keibir naýqastardyń denesinde kógergen izder bar ekeni, olardyń ómiri men densaýlyǵyna qaýiptenetini aitylǵan. Jariialanǵan málimette bul jekelegen jaǵdai emes, júieli sipatqa ie bolýy múmkin degen boljam jasalyp, atalǵan derekter rastalǵan jaǵdaida jan-jaqty tergeý júrgizý qajettigi atap ótilgen.
Qazirgi ýaqytta atalǵan jait boiynsha qyzmettik tekserý júrgizilip jatyr.
