Pavlodar oblysynyń prokýratýrasy óńirdegi sport nysandaryna júrgizilgen tekseris barysynda birqatar óreskel zańbuzýshylyqty anyqtady. Bul týraly oblystyq qadaǵalaý organynyń baspasóz qyzmeti málimdedi, dep habarlaidy Dalanews.kz.
Prokýratýra stadiondar, basseinder, sport mektepteri, muz aidyndary men fýtbol manejderin qamtyǵan keshendi tekserý júrgizgen. Nátijesinde keibir sport nysandarynyń zańsyz túrde jekemenshikke berilip, kommertsiialyq maqsatta paidalanylǵany jáne jaldaý aqysynyń tólenbegeni belgili boldy. Máselen, Pavlodar qalasynda bir hokkei korty úsh jyl boiy tegin qoldanylǵan, al kommýnaldyq shyǵyndar biýdjet qarajaty esebinen ótelgen.
Sonymen qatar sport mektepteriniń qyzmetinde qarjy jymqyrý jáne jalǵan tólemder faktileri anyqtalyp, keltirilgen shyǵyn kólemi 10 mln teńgeni quraǵan.
Atap aitqanda, aýdandardyń birinde býhgalter úsh jyl ishinde óz shotyna zańsyz túrde shamamen 6 mln teńge aýdarǵan. Atalǵan derek boiynsha QR Qylmystyq kodeksiniń 189-baby 3-bóligi ("Senip tapsyrylǵan bóten múlikti iemdený nemese ysyrap etý") boiynsha qylmystyq is sotta qaralyp jatyr.
Qadaǵalaý organy sport uiymdarynda jalǵan diplomy bar jattyqtyrýshylardyń, sondai-aq halyq densaýlyǵy men qoǵamdyq moralǵa qarsy qylmystary úshin buryn sottalǵan qyzmetkerlerdiń jumys istegenin de anyqtaǵan.
Budan bólek, sportshylardy ornalastyrýǵa qatysty jalǵan kelisimsharttar jasalyp, is júzinde joq qonaqúiler kórsetilgen. Sonyń saldarynan 2,8 mln teńge kóleminde materialdyq shyǵyn kelgen.
Tekserý nátijeleri sport nysandarynyń basym bóliginiń tozyǵy jetkenin kórsetti: tribýnalar qiraǵan, shatyrlardan sý aǵady, múmkindigi shekteýli jandarǵa qajetti jaǵdailar jasalmaǵan, sanitarlyq jáne órt qaýipsizdigi talaptary saqtalmaidy.
Prokýratýra barlyq anyqtalǵan zańbuzýshylyqtar boiynsha olardy joiý jáne kináli tulǵalardy jaýapkershilikke tartý maqsatynda qadaǵalaý aktilerin engizgenin málimdedi.
