Pavlodar oblysy prokýratýrasynyń ishki qaýipsizdik bólimi óńirlik UQK departamentimen birlesip, prokýratýra qyzmetkerine qatysty tergeý amaldaryn qolǵa aldy, dep habarlaidy Dalanews.kz.
Bas prokýratýranyń málimetinshe, Pavlodar qalasynyń turǵyny atalǵan qyzmetkerdiń alaiaqtyq áreketine bailanysty shaǵym túsirgen. Soǵan orai jedel-tergeý sharalary bastalǵan.
Qazirgi ýaqytta is boiynsha tergeý jalǵasyp jatyr. QR Qylmystyq-protsestik kodeksiniń 201-babyna sáikes ózge málimetter jariialanbaidy.
Eske salaiyq, buǵan deiin aqtaýlyq prokýror Erbolat Abdirov qamaýǵa alynǵan edi.
“Aq Jaiyq” basylymy Abdirovtyń ustalýyna masań kúide janjal shyǵarýy sebep bolǵanyn jazdy.
“Aqtaý qalasynyń prokýrory, aǵa ádilet keńesshisi Erbolat Abdirovty Almaty áýejaiynda IIM Kóliktegi politsiia departamentiniń qyzmetkerleri ustady. Oqiǵa onyń demalys kezinde Astanadan kelgen reisten keiin oryn alǵan”, – delingen habarlamada.
Berilgen málimetke sáikes, Abdirovqa qatysty ÁQBtK-niń 440-babynyń 1-bóligi (alkogoldik ishimdikterdi ishý nemese qoǵamdyq oryndarǵa masań kúide kelý) jáne 434-babynyń 1-bóligi (usaq buzaqylyq: qoǵamdyq oryndarda balaǵat sózder aitý, azamattarǵa til tigizip tiisý jáne qoǵamdyq tártipti buzatyn ózge de áreketter) boiynsha ákimshilik hattamalar toltyrylǵan.
Keiin Aqtaýdaǵy ákimshilik quqyq buzýshylyqtar jónindegi mamandandyrylǵan sottyń qaýlysyna sáikes, prokýror Erbolat Ábdirovke qatysty is qylmys quramynyń bolmaýyna bailanysty toqtatyldy
