Pavlodar oblysynda Viktor men Danila Dolgaliovtar 917 myń tonnadan astam titan-tsirkonii rýdasyn zańsyz óndirgeni úshin kináli dep tanyldy, dep habarlaidy Dalanews.kz.
Tergeý dereginshe, ken óndirý jumystary kelisimshart buzylǵannan keiin de jalǵasqan. Rýda áke men balanyń baqylaýyndaǵy kompaniialar arqyly óndirilip, Qytai men ózge elderge “sur” eksporttyq shemalarmen shyǵarylǵan.
Memleketke keltirilgen zalal kólemi shamamen 4 trln teńge dep baǵalandy.
Sot úkimi boiynsha:
• Viktor Dolgaliov – 11 jylǵa bas bostandyǵynan aiyryldy;
• Danila Dolgaliov – amnistiiany eskere otyryp, 4 jyl 9 aiǵa sottaldy;
• Advokat pen deldal – para berýge itermeleý jáne alaiaqtyq baptary boiynsha 10 jyldan jaza aldy.
Jábirlenýshi tarap retinde Taiynsha aýdanynyń ákimdigi men Indýstriia jáne qurylys ministrligi tanyldy. Olardyń 4 trln teńge kólemindegi talap aryzy tolyq qanaǵattandyryldy.
Aita keteiik, buǵan deiin bul is Soltústik Qazaqstan oblysynda alqabilerdiń qaraýynda bolyp, aqtaý úkimi shyqqan edi. Alaida ol sheshim apelliatsiialyq satyda joiylǵan.
