Pavlodarda mas kúidegi er adam politsiianyń qyzmettik kóligin aidap ketip, jol apatyna ushyrady, dep habarlaidy dalanews.kz.
Politsiianyń málimetinshe, kúdikti kólikti aidap keter aldynda dúkenderdiń birinen urlyq jasaǵan. Keiin ol politsiianyń qyzmettik avtokóligine zańsyz kirip, kólikti aidap ketken. Alaida kóp uzamai jol apatyna túsken.
Pavlodar oblystyq politsiia departamentiniń habarlaýynsha, dúkendegi urlyq pen qyzmettik avtokólikti zańsyz iemdený faktileri boiynsha qylmystyq ister qozǵaldy.
"Kúdikti ýaqytsha ustaý izoliatoryna qamaldy. Aldyn ala málimet boiynsha, ol mas kúide bolǵan. Kólikti aidap ketkennen keiin jol-kólik oqiǵasyn jasaǵan. Oqiǵadan eshkim zardap shekken joq. Qyzmettik avtokóliktiń aidap ketilýine jol berilýine bailanysty qyzmettik tekserý bastaldy", – dep málimdedi vedomstvodan.
