16 sáýirde Pavlodarda úi aýlasynda kámeletke tolmaǵandar arasynda janjal shyqqan. Baqylaý kameralaryndaǵy jazbalarǵa qaraǵanda, úsh jasóspirim eki qatarlasyn uryp-soqqan. Oqiǵadan keiin taraptar jan-jaqqa taraǵan, dep habarlaidy Dalanews.kz.
"Kriminalnyi Kazahstan" telegram arnasynyń málimetinshe, keiin áleýmettik jelilerde osy jasóspirimderdiń fýtbol alańy mańynda taǵy bir balany soqqyǵa jyqqan sáti túsirilgen ekinshi video taraǵan.
Oqiǵaǵa beijai qaramaǵan er adam janjaldy toqtatpaq bolǵan. Alaida ol da soqqyǵa jyǵylǵag. Jasóspirimder ony qorshap alyp, qorqytyp-úrkitip, artynsha aiaýsyz ura bastaǵan.
Atalǵan jaitqa Pavlodar oblystyq politsiia departamenti túsinikteme berdi.
"Buzaqylyq deregi boiynsha qylmystyq is qozǵaldy. Oqiǵaǵa qatysqan barlyq jasóspirim anyqtalyp, zańdy ókilderimen birge politsiia bólimine jetkizildi", – dep habarlady vedomstvo.
