Tótenshe jaǵdailar departamentiniń aqparaty boiynsha, biylǵy jyly qar qory normativten 25%-ǵa artyq. Vedomstvo bastyǵy Ernur Ótegenovtyń aitýynsha, kórshiles oblystardyń shekaralas aýmaqtaryndaǵy qar qory da qaýip tóndirip turǵanyn alǵa tartty. Aitalyq Aqmola oblysynda ylǵal qorynyń kólemi normativterden 70%-ǵa deiin, Shyǵys Qazaqstan oblysynda – 65% -ǵa deiin asyp ketken. Osyǵan uqsas jaǵdai Qaraǵandy oblysynyń Buqar Jyraý aýdanynda da baiqalady.
Pavlodar oblysynda qar erý saldarynan 16 eldimekendi sý basý qaýpi bar. Sý qoimalarynan sý jiberý nátijesinde táýekel aimaǵyna aimaqtyń 11 eldimekeni kiredi. Energetika jáne turǵyn úi-kommýnaldyq sharýashylyǵy basqarmasynyń málimetterine sáikes, búginde óńirdiń eldimekenderinen 736 myń tonnadan astam qar shyǵaryldy.
Qazirgi tańda jumystar jalǵasyn tabýda. Meteorologtardyń taiaý ýaqytta barlyq óńir boiynsha kún jylynady degen boljamyn eskere otyryp, Ábilqaiyr Sqaqov qysqa merzimde aýyldar men qala syrtyndaǵy joldardy qardan tazartýdy tapsyrdy.
– Áleýmettik jelilerde turǵyndar maǵan Aqtoǵai aýdanynyń aýyldarynan Pavlodar qalasyna jete almai otyrǵandaryn jazǵan. Kólikter Ertis aýdanynda keptelýde, – dedi óńir basshysy. – Bul qar tazalaý jáne shyǵarý sapasy men jumys qarqyny jetkiliksiz, adami jáne tehnikalyq resýrstar jetkiliksiz ekenin kórsetedi. Bul sý tasqyny kezeńinde naqty qaýip tóndiredi.
Oblys ákimi avtomobil joldaryndaǵy sý ótkizý qurylystaryn tazalaý qajettigine nazar aýdardy. Búginde óńirde bar 1 482 qubyrdyń úshten bir bóligi retke keltirildi. Sý ótkizý qubyrlaryn tazalaý jumystaryn 20 naýryzǵa deiin aiaqtaý tapsyryldy.
Múmkin bolatyn tasqyndy joiý úshin qalalar men aýdandar ákimdikteri 28 700 dana qap, 10 600 tonna inertti material, 108 tonna JJM daiyndady. Sonymen qatar, jergilikti oryndardaǵy tótenshe jaǵdai oryn alǵan jaǵdaida tamaqtanýdy uiymdastyrýǵa 88 niet kelisimsharty jáne jarylys jumystaryna bes niet kelisimsharty jasaldy.
