Almaty qalasyndaǵy Sairan kólin qalpyna keltirý jumystaryna bailanysty «Pavlodar ózen porty» aktsionerlik qoǵamy resmi túsinikteme usyndy, dep habarlaidy Dalanews.kz.
Kompaniianyń habarlaýynsha, 2025 jylǵy 29 tamyzda Almaty qalasynyń mamandandyrylǵan aýdanaralyq ekonomikalyq soty (SMES) Almaty qalasynyń Qoǵamdyq keńistikterdi damytý basqarmasynyń talap-aryzyn ishinara qanaǵattandyrǵan. Talap aryzda «Pavlodarskii rechnoi port» AQ-ny memlekettik satyp alýlardyń josyqsyz qatysýshysy dep taný jáne turaqsyzdyq aiybyn óndirip alý máselesi kóterilgen.
Alaida jaýapkerdiń shaǵymy negizinde 2025 jylǵy 25 jeltoqsanda Almaty qalasynyń azamattyq ister jónindegi sot alqasy bul sheshimge ózgeris engizdi. Sot «Pavlodarskii rechnoi port» AQ-ny memlekettik satyp alýlardyń josyqsyz qatysýshysy dep taný týraly talapty qanaǵattandyrýdan bas tartty. Qalǵan bóliginde sot sheshimi ózgerissiz qaldyrylǵan.
Sot sheshimin ózgertýge tapsyrys berýshi úshin teris saldardyń bolmaýy negiz bolǵan. Atap aitqanda, nysandy paidalanýǵa qabyldaý aktisi 2025 jylǵy 24 jeltoqsanda jumystardyń sapasyna qatysty eskertýsiz qol qoiylǵan.
Sonymen qatar, kompaniiaǵa qatysty ózge de tekserýler júrgizilgeni aityldy.
2025 jylǵy 8 qazanda Almaty qalasynyń Qalalyq sáýlet-qurylys baqylaý basqarmasy «Pavlodarskii rechnoi port» AQ-na «Úlken Almaty ózeniniń arnasyn №1 tundyrǵyshtan Abai dańǵylyna deiin qaita jańǵyrtý jáne oǵan irgeles aýmaqty abattandyrý» nysany boiynsha tekserý júrgizgen. Tekserý qorytyndysy boiynsha 2025 jylǵy 20 qazanda Qylmystyq emes quqyqbuzýshylyq týraly kodekstiń 312-babynyń 1-bóligi (qurylys-montaj jumystarynyń zańnama talaptaryn buza otyryp júrgizilýi) boiynsha ákimshilik hattama toltyrylǵan.
Sondai-aq 2025 jylǵy 16 qazanda Qalalyq sáýlet-qurylys baqylaý basqarmasy «Almaty qalasy, Alataý aýdany, batys káriz kollektoryn salý» nysany boiynsha da tekserý ótkizgen. Nátijesinde 20 qazanda osy bap boiynsha taǵy bir ákimshilik hattama rásimdelgen.
Alaida 2025 jylǵy 27 qarashada Almaty qalasynyń ákimshilik quqyqbuzýshylyqtar jónindegi aýdanaralyq sotynyń qaýlysymen atalǵan ister boiynsha óndiris Qylmystyq emes quqyqbuzýshylyq týraly kodekstiń 312-baby 1-bóligi boiynsha ákimshilik quqyqbuzýshylyq quramynyń bolmaýyna bailanysty toqtatylǵan.
