Pavlodar oblysynda bolǵan jantúrshigerlik jol-kólik oqiǵasynan keiin 2005 jyly týǵan jas jigit eki aiaǵynan aiyryldy, dep habarlaidy dalanews.kz.
Oblystyq densaýlyq saqtaý basqarmasynyń málimetinshe, zardap shegýshi jansaqtaý bólimine aýyr jaǵdaida jetkizilgen. Dárigerler oǵan kóptegen jaraqat diagnozyn qoiǵan. Oń aiaǵy oqiǵa ornynda aýyr jaraqat saldarynan ampýtatsiialanǵan bolsa, sol aiaǵyn saqtap qalý múmkin bolmaǵandyqtan ota kezinde kesýge týra kelgen.
Naýqastyń jaǵdaiy asa aýyr dep baǵalanyp otyr. Ony emdeý taktikasyn anyqtaý úshin Pavlodar oblysynyń bas reanimatology men respýblikalyq úilestirý ortalyǵynyń mamandary qatysqan konsiliým ótkizilgen. Qazirgi ýaqytta patsientke qajetti meditsinalyq kómek tolyq kólemde kórsetilýde.
Osy jol apatynan zardap shekken taǵy bir 2005 jyly týǵan qyz travmatologiia bóliminde em qabyldap jatyr. Ol da túrli dene jaraqattarymen aýrýhanaǵa jetkizilgen.
Eske salaiyq, jol-kólik oqiǵasy Pavlodar – Astana tasjolynda bolǵan. Aldyn ala málimet boiynsha, 22 jastaǵy taksi júrgizýshisi basqarǵan Hyundai Tucson kóligi jol jiegindegi qorshaýǵa soǵylǵan. Apat saldarynan tórt adam zardap shekti. Oqiǵadan keiin zardap shekkenderdiń týystary apattyń kýágerlerin izdestirip jatyr.
