Pavlodar oblysynda er adamdy óltirip, áielge birneshe jerden pyshaq jaraqatyn salǵan áiel 17 jylǵa bas bostandyǵynan aiyryldy, dep habarlaidy dalanews.kz.
Pavlodar oblysynyń mamandandyrylǵan aýdanaralyq qylmystyq ister jónindegi sotynyń málimetinshe, sot aiyptalýshynyń kináni ishinara moiyndaýyn jeńildetetin mán-jai retinde eskergen.
Sonymen qatar qylmystyń mas kúiinde jasalýy jáne qaýipti qylmystyq qaitalaný aýyrlatatyn mán-jailar retinde tanyldy.
Sot úkimimen aiyptalýshy Qylmystyq kodekstiń 24-baby 3-bóligi jáne 99-baby 1-bóligi boiynsha 10 jylǵa, al 99-baptyń 2-bóligi 3-tarmaǵy boiynsha 16 jylǵa bas bostandyǵynan aiyryldy.
Jazalardy ishinara qosý arqyly oǵan túpkilikti 17 jylǵa bas bostandyǵynan aiyrý jazasy taǵaiyndaldy. Ol jazasyn qylmystyq-atqarý júiesiniń eń joǵary qaýipsizdik mekemesinde óteidi.
Eske salaiyq, biyl qańtar aiynda Ekibastuz qalasyndaǵy páterlerdiń birinde ishimdik iship otyrǵan adamdar arasynda turmystyq janjal shyqqan. Sonyń saldarynan er adam pyshaq jaraqatynan oqiǵa ornynda kóz jumǵan.
Marqumnyń birge turǵan áieli de páterde jáne kireberistegi baspaldaq alańynda birneshe jerden pyshaq jaraqatyn alǵan. Kúdikti oqiǵa ornynda ustalyp, zardap shekken áiel aýrýhanaǵa jetkizilgen.
