Pavlodar oblysy QAJD-ǵa qarasty №63 túzeý mekemesinde rejımdik aýmaqqa telefon ótkizý áreketi der kezinde anyqtaldy, – dep habarlaıdy Dalanews.kz.

Baqylaý-ótkizý pýnktinde kelgen sálemdemeni tekserý barysynda ınspektorlar standartty gıgıenalyq qaptamada jasyrylǵan zatqa nazar aýdardy. Tolyq tekserý kezinde qaptamadan telefon men SIM-karta tabyldy. Qazirgi ýaqytta atalǵan jaǵdaı boıynsha barlyq qajetti materıal jınaqtaldy. Jóneltýshige qatysty Qazaqstan Respýblıkasynyń zańnamasyna sáıkes tekserý júrgizilýde.

"QAJ mekemelerine tyıym salynǵan zattardy ótkizý áreketi ákimshilik nemese qylmystyq jaýapkershilikke ákep soǵady. Bundaı áreketter quqyq buzýshylyq qana emes, jazasyn ótep jatqan adamdardyń tártipti minez-qulqy úshin qarastyrylǵan jeńildikterinen aıyrylýyna da sebep bolady", – dep eskertti QAJ qyzmetkerleri.

Aıta keteıik, QAJ mekemelerinde baqylaý júıesi únemi jetildirilip otyrady.