Pavlodar–Qyzylorda tasjolynda, Atameken aýylynyń mańynda kólik jylqyǵa soqtyǵysty. Oqiǵa saldarynan eki adam kóz jumyp, taǵy bir adam jaraqat aldy, dep habarlaidy Dalanews.kz.
Pavlodar oblystyq Politsiia departamenti málimetinshe, qaiǵyly jaǵdai 2 qazanda tirkelgen. Toyota Alphard kóliginiń júrgizýshisi joǵary jyldamdyqpen kele jatyp, jolǵa shyqqan jylqyǵa soǵylǵan. Qatty soqqydan kólik jol jiegine shyǵyp, aýdarylyp ketken.
"Oqiǵa saldarynan eki jolaýshy qaza taýyp, júrgizýshi jaraqat aldy. Jol apaty boiynsha qylmystyq is qozǵaldy. Tergeý barysynda jylqy iesiniń áreketine de quqyqtyq baǵa beriledi", – dedi politsiia.
