Pavlodar oblysynda masa men basqa da qan sorǵysh jándikterge qarsy kúreske 13,6 mlrd teńge bólinbek, dep habarlaıdy Dalanews.kz.

Protenge málimetinshe, bul qarajat óńir aýmaǵynda dezınseksıa, dezınfeksıa jáne deratızasıa jumystaryn júrgizýge baǵyttalady. Iaǵnı mamandar jaz maýsymynda turǵyndardy ábigerge salatyn jándikterdiń sanyn azaıtýdy kózdep otyr.

Alaıda osy maqsattaǵy alǵashqy memlekettik satyp alý konkýrsy ótpeı qalǵan. Endi aldaǵy ýaqytta jańa konkýrs jarıalanyp, merdiger qaıta tańdalmaq. Qomaqty qarjy bólinetindikten, bul proseske qoǵam nazar aýdaryp otyr. Turǵyndar qarajat tıimdi jumsalyp, jaz mezgilinde masa máselesi naqty sheshimin tabady dep úmittenedi.