Áleýmettik jelide "Pavlodar oblysynda 10 jastaǵy eki bala 7 jasar oqýshynyń tilin kespek bolǵany" týraly aqparat tarady, dep habarlaidy Dalanews.kz.
Oqý-aǵartý ministrligi Balalardyń quqyqtaryn qorǵaý komiteti málimetinshe, oqiǵa keshe kúndiz bolǵan.
"Zardap shekken bala aýrýhanaǵa jatqyzyldy. Qazir onyń jaǵdaiy qanaǵattanarlyq dep baǵalanyp otyr. QR Oqý-aǵartý ministrligi Balalardyń quqyqtaryn qorǵaý komitetiniń tóraǵasy Nasymjan Ospanova bolǵan jaǵdaidyń mán-jaiyn anyqtap, kómek kórsetý úshin balanyń anasymen bailanysqa shyqty. Balaǵa júieli túrde kómek kórsetý úshin Psihologiialyq qoldaý ortalyǵyna tapsyrma berildi", - dep jazylǵan habarlamada.
Qazir jaǵdai óńirlik bala quqyqtary jónindegi ýákildiń baqylaýynda.
"Oqiǵaǵa qatysy bar adamdardyń jeke basyn anyqtaý maqsatynda izdestirý sharalary júrgizilip jatyr. Sondai-aq, bul is kámeletke tolmaǵandardyń isteri jáne olardyń quqyqtaryn qorǵaý jónindegi komissiianyń qaraýyna usynylady", - dep jazylǵan habarlamada.
