Pavlodar oblysynda ákimdik qyzmetkerleri 89 million teńge jymqyrǵan, - dep habarlaidy Dalanews.kz.
3 mamyrda Pavlodar qalasynyń № 2 soty asa iri mólsherde birneshe ret alaiaqtyq jasaý deregi boiynsha A.G., M.A., B.A., J.A. jáne A.A. sekildi adamdarǵa qatysty qylmystyq isti qarady.
2022 jylǵy tamyzdan 2023 jylǵy qyrkúiekke deiin Pavlodar qalasy ákimdiginiń jáne Pavlodar aýdany ákimi apparatynyń qyzmetkerleri - A.G., M.A., B.A., J.A., A.A. qyzmettik babyn paidalana otyryp, múmkindigi shekteýli jandardyń jeke kómekshileriniń jumysyna zańsyz aqy tólep, biýdjetten 89 millionnan asa teńge jymqyrǵan.
Sottalýshylardyń kinási kýálardyń aiǵaqtarymen, qujattamalyq jáne zattai dáleldemelermen, sondai-aq, saraptamalyq qorytyndylarmen dáleldendi. Sottalýshylar kinálaryn tolyq moiyndady jáne zalaldy ótedi.
Sot kináli adamdarǵa 3 jyl 6 aidan bastap 5 jyl 6 aiǵa deiin bas bostandyǵyn shekteý túrindegi jazany taǵaiyndady.
Sondai-aq, sottalǵandar memlekettik qyzmette laýazymdardy atqarý quqyǵynan ómir boiyna airyldy. Úkim zańdy kúshine engen joq.
