پاۆلودار وبلىسىندا اكىمدىك قىزمەتكەرلەرى 89 ميلليون تەڭگە جىمقىرعان، - دەپ حابارلايدى Dalanews.kz.

3 مامىردا پاۆلودار قالاسىنىڭ № 2 سوتى اسا ءىرى مولشەردە بىرنەشە رەت الاياقتىق جاساۋ دەرەگى بويىنشا ا.گ.، م.ا.، ب.ا.، ج.ا. جانە ا.ا. سەكىلدى ادامدارعا قاتىستى قىلمىستىق ءىستى قارادى.

2022 جىلعى تامىزدان 2023 جىلعى قىركۇيەككە دەيىن پاۆلودار قالاسى اكىمدىگىنىڭ جانە پاۆلودار اۋدانى اكىمى اپپاراتىنىڭ قىزمەتكەرلەرى - ا.گ.، م.ا.، ب.ا.، ج.ا.، ا.ا. قىزمەتتىك بابىن پايدالانا وتىرىپ، مۇمكىندىگى شەكتەۋلى جانداردىڭ جەكە كومەكشىلەرىنىڭ جۇمىسىنا زاڭسىز اقى تولەپ، بيۋدجەتتەن 89 ميلليوننان اسا تەڭگە جىمقىرعان.

سوتتالۋشىلاردىڭ كىناسى كۋالاردىڭ ايعاقتارىمەن، قۇجاتتامالىق جانە زاتتاي دالەلدەمەلەرمەن، سونداي-اق، ساراپتامالىق قورىتىندىلارمەن دالەلدەندى. سوتتالۋشىلار كىنالارىن تولىق مويىندادى جانە زالالدى وتەدى.

سوت كىنالى ادامدارعا 3 جىل 6 ايدان باستاپ 5 جىل 6 ايعا دەيىن باس بوستاندىعىن شەكتەۋ تۇرىندەگى جازانى تاعايىندادى.

سونداي-اق، سوتتالعاندار مەملەكەتتىك قىزمەتتە لاۋازىمداردى اتقارۋ قۇقىعىنان ءومىر بويىنا ايرىلدى. ۇكىم زاڭدى كۇشىنە ەنگەن جوق.