Jelide Pavlodar oblysy ákiminiń birinshi orynbasary Serik Batyrǵojinov áieldi zorlaǵany týraly aqparat tarady, - dep habarlaidy Dalanews.kz.
Bul týraly qoǵam belsendisi Ermek Narymbai Facebook-paraqshasynda aitty.
"Pavlodar oblysy ákiminiń birinshi orynbasary Serik bir qyzdy kabinetine kezdesýge shaqyryp, birinshi kezdesýde-aq qyzdy zorlaǵan. Keiin ol qyzdy politsiiaǵa aryzdanbaýǵa kóndire bastady, oǵan jaqsy kóretinin aityp, oǵan syilyqtar men aqsha berip jáne memlekettik páter alýǵa kómektesýge ýáde bergen.
Búgin bul beibaq oblysqa jańa ákim bolýǵa daiyndalyp jatyr, PA úndemeidi, Aigúl esimdi qyz túrmege jabylǵaly jatyr. PD bastyǵynyń orynbasary jábirlenýshiniń telefonyn tartyp alyp, Serikpen WhatsApp-taǵy hat almasqan habarlamalaryn óshirip tastaǵan", - delingen jazbada.
Ermek Narymbaidyń aitýynsha, Aigúl qazir jumyssyz qalǵan, ol 2 balanyń anasy. Ol múgedektiń anasy retinde jeńildetilgen kezekte turǵan, alaida balasy qaitys bolǵannan keiin ol kezekten alyp tastalǵan. Keiin Aigúl Serik Batyrǵojinovke ýáde etilgen páter týraly aitqan. Nátijesinde ákim orynbasary áieldiń ústinen bopsalaý deregi boiynsha aryz jazǵan. Aigúl sottyń ashyq bolýyn talap etedi, al ákim orynbasarynyń qalaýy basqa.
Pavlodar oblysy ákimdigi bul iske qatysty pikir bildirdi.
"Ákimniń birinshi orynbasary Serik Batyrǵojinov densaýlyǵyna bailanysty biyl 8 qańtardan bastap eńbek demalysynda. Bizdegi málimet boiynsha, Pavlodar oblysynyń politsiia departamenti Serik Batyrǵojinovtyń aryzy boiynsha bopsalaý deregi boiynsha qylmystyq is qozǵaǵan. Zardap shekken tarap - Serik Batyrǵojinov.
Tergeý amaldary júrgizildi, aiyptalýshy taraptyń qorǵaýynda kórsetken derekter tekserildi, derekter rastalǵan joq.
Búginde is sotqa jiberildi. Bul is boiynsha egjei-tegjeili aqparatty protseske qatysýshylardan alýǵa bolady, óitkeni bul másele jergilikti atqarýshy organdardyń quzyretine jatpaidy", - delingen jaýapta.
