Qazaqstandaǵy patrýldik kólikterdiń 86 paiyzynda mobildi keshender ornatylmaǵan. Ishki ister ministrligi bul jol qaýipsizdigin baqylaý múmkindigin shekteitinin málimdedi, dep habarlaidy dalanews.kz.
IIM málimetinshe, sońǵy 10 jylda politsiianyń materialdyq-tehnikalyq bazasy aitarlyqtai jaqsarǵan. Qazir el boiynsha patrýldik kólikter sany 3 myńǵa jetken.
Alaida olardyń basym bóligi mobildi keshendermen jabdyqtalmaǵan.
«Ókinishke qarai, olardyń 86%-y mobildi keshendermen jabdyqtalmaǵan», – dedi IIM ókili.
Ministrlik mobildi keshenderdiń bolmaýy patrýldik politsiianyń jasandy intellekt múmkindikterin paidalanýǵa, jyldamdyqty asyrý faktilerin, izdeýdegi kólikterdi anyqtaýǵa jáne jol-kólik oqiǵalary bolǵan jerlerde qajetti aqparatty jedel jinaýǵa kedergi keltiretinin atap ótti.
Mobildi keshender jergilikti biýdjet esebinen satyp alynady. Alaida óńirlerde bul jumystyń qarqyny birdei emes.
Ásirese Qaraǵandy, Qyzylorda, Jetisý, Pavlodar jáne Shyǵys Qazaqstan oblystarynda patrýldik kólikterdiń mobildi keshendermen qamtylý deńgeii 17 paiyzdan aspaidy.
