Frantsiia astanasy Parij qalasynda XXXIII jazǵy Olimpiada oiyndary resmi túrde jalaýyn jelbiretti, dep habarlaidy Dalanews.kz.
26 shilde men 11 tamyz aralyǵynda 205 eldiń 10 500 sportshysy 32 sport túrinen 329 medal jiyntyǵyn sarapqa salady. Olardyń qatarynda 80 qazaqstandyq bar.
Parij Olimpiadasynyń ashylý saltanaty tuńǵysh ret stadionda emes, tabiǵat aiasynda - Sena ózeniniń boiynda ótip jatyr.
Olimpiada alaýyn dziýdoshy Teddi Riner men jelaiaq Mari-Joze Perek jaqty, ol artynsha sharmen frantsýz astanasynyń aspanyna kóterildi. Bul 1783 jylǵy oqiǵalarǵa silteme - dál sol kezde frantsýz Djozef-Mishel men Jak-Eten Mongolfe oilap tapqan áýe sharymen alǵashqy ushý boldy.
Eske salaiyq, QR Sportty damytý direktsiiasynyń baspasóz qyzmeti Olimpiada oiyndaryna qatysatyn 80 sportshymyzdyń barlyǵy 26 shilde kúni ótetin ashylý saltanatyna bara almaitynyń málimdegen edi.
Oǵan sebep, keibir jekelegen sport túrleri jarys kestesine sáikes keiinirek bastalatyndyqtan Parijge de keshigip baratyn sportshylarymyz bar. Sol sebepti barlyǵy atalǵan saltanatty sharaǵa qatysa almaidy.
26 shildege deiin Frantsiia astanasyna tek akademiialyq eskek esý, sadaq atý, boks, nysana kózdeý, tennis, ústel tennisi, sporttyq gimnastika, semserlesý, júzý, badminton, dziýdo, tas joldaǵy velosport jáne stend atý sportynan óner kórsetetin sportshylarymyz ǵana baryp úlgeredi. Al onyń sany 50 sportshyny ǵana quraidy.
Jeńil atletikadan qatysatyn otandastarymyz 29 shilde kúni Frantsiiaǵa attanady. Alaida Olga Safronova saltanatty sherýde tý ustaityndyqtan, ózgelerden birneshe kún erte barady.
Al, erkin kúres sheberleri tek 5 tamyzda ǵana Almatydan attansa, breikingten synǵa túsetin Amir Zakirov 8 tamyzda Parijge jetedi.
Keri baǵytta elimizge birinshi bolyp, 4 tamyz kúni akademiialyq eskek esý men dziýdodaǵy sportshylarymyz oralady.
