«Amanat» partiiasynyń Túrkistan oblystyq filialy atqarýshy hatshysynyń orynbasary, oblystyq máslihat depýtaty Qalyima Jantoreeva bankter týraly jańa zań qabyldaý bastamasyna qatysty pikir bildirdi,- dep habarlaidy Dalanews.kz
— Biylǵy jyldyń sońyna deiin jańa bankter týraly zań qabyldaý – elimizdiń qarjy sektorynyń damýy úshin mańyzdy beles bolmaq. Memleket basshysy Qasym-Jomart Toqaev halyqqa Joldaýynda zamanaýi tehnologiialyq ózgerister men ekonomikanyń suranystaryn eskerý qajettigin atap ótti. Zańda básekeni kúsheitý joldary, naryqqa jańa qatysýshylardyń kelýi, fintehti damytý jáne tsifrlyq aktivterdiń ainalymyn yryqtandyrý qarastyrylýy tiis. Bul ekonomika damýyna qosymsha serpin berip, qarjylyq qyzmet kórsetýdiń sapasyn arttyrýǵa múmkindik beredi, — dedi Qalyima Jantoreeva.
Onyń aitýynsha, bankter júiesiniń turaqty damýy azamattardyń ózderiniń qatysýy men qarjylyq saýattylyǵyna da tikelei bailanysty. Osy baǵytta «Amanat» partiiasy júieli jumys júrgizip keledi: halyqtyń qarjylyq mádenietin kóterýge arnalǵan oqý jobalary, kýrstar men treningter uiymdastyrylýda. Ásirese jastarǵa, kásipkerlerge jáne áleýmettik turǵydan osal toptarǵa erekshe kóńil bólinedi. Bul árbir azamatqa zamanaýi qarjy quraldaryn senimdi qoldanýǵa jol ashady.
— Osylaisha, Prezidenttiń bastamalary men «Amanat» partiiasynyń jumysy birin-biri tolyqtyrady: memleket bankter men finteh-kompaniialardyń jumysyna zamanaýi quqyqtyq negiz jasasa, partiia adamdarǵa jańa jaǵdaiǵa beiimdelýge jáne saýatty qarjylyq sheshim qabyldaýǵa kómektesedi. Bilik pen qoǵamnyń birlese qimyldaýy Qazaqstan ekonomikasynyń turaqty ári innovatsiialyq damýynyń berik irgetasyn qalaidy, — dedi máslihat depýtaty.
