Parlamenttegi áriptesine uiatsyz hattar jazdy dep aiyptalǵan Asqar Sadyqov málimdeme jasady, - dep habarlaidy Dalanews.kz.
Aita keteiik, 4 qyrkúiekte "Aqjol" partiiasynyń jetekshisi Azat Perýashev depýtat Asqar Sadyqov ne úshin partiiadan shyǵarylǵanyn túsindirgen bolatyn. Perýashevtiń sózinshe, partiia atyna Asqar Sadyqovqa qatysty birqatar shaǵym túsken, onda aitylǵan jaittar plenýmda qaralyp, tiisti sheshim shyǵarylǵan. Sonymen qatar, Perýashev Sadyqov áiel adamǵa uiatsyz usynystar jasap, qysym kórsetkenin aitty.
Asqar Sadyqov osyǵan qatysty áleýmettik jelidegi paraqshasynda málimdeme jasady. Ol jalpy "halyq igili úshin jumys istep júrgenin" aitty.
"Men alty balanyń ákesimin jáne Azat Perýashevtiń málimdemesine qatysty pikir bildireiin dep edim. Meni las oiyndaryńyz ben manipýliatsiialaryńyzǵa aralastyrmaýdy suraimyn. Men endi únsiz qalmaimyn. Onyń málimdemesi partiia jetekshisiniń deńgeiine sai kelmeidi. Biraq Azat Perýashevtiń ózi halyqty adastyrǵan kezi de bolǵan. Onyń jumys stili sondai bolsa kerek. Azat Perýashev, eger meni partiiadan shyǵarǵyńyz kelse basqa dálelder keltirseńiz bolar edi, biraq sizde ol da joq. Menen áli kúnge deiin túsinikteme alynǵan joq.
Ekinshiden, partiia basshylyǵy bul jait týraly maǵan eskertpedi. Úshinshiden, bul másele Májilistiń tártiptik keńesinde talqylanǵan joq. Sizdiń málimdemeńizdi oqyp tańǵalyp otyrmyn. Biraq sizdiń buǵan deiingi jalǵan málimdemelerińiz BAQ-tyń esine túsedi dep oilaimyn. Azat Perýashev osy aqparat arqyly óziniń orynbasary jemqor degen aqparatty jasyryp qalǵysy kelgen bolar. Meniń oiymsha, Azat Perýashev, siz maqsatyńyzǵa jettińiz", - deidi Sadyqov.
Eske salaiyq, keshe Azat Perýashev depýtat Asqar Sadyqovtyń partiiadan shyǵarylýyna qatysty málimdeme jasaǵan bolatyn.
"Shaǵymdardyń deni onyń teris is-áreketterine, atap aitqanda, ókilettigin asyra paidalaný men etikalyq normalardy buzýyna bailanysty boldy. Shaǵymdardyń árqaisysy boiynsha jeke-jeke faktiler keltirýge bolatyn bolsa da, bir ǵana mysaldy atap ótý jetkilikti dep oilaimyn.
Máselen, parlamentte (partiiada emes) jumys isteitin bir áiel adam Asqar Sadyqovtyń birneshe ret uiatsyz usynystar jasap, qysym kórsetkeni týraly aityp, aryzdandy. Ol óziniń sózine dálel retinde ýatsabyna Asqar Sadyqovtan kelgen habarlamalardyń skrinin kórsetti (etikalyq sebepterge bailanysty onyń bopsalaýyna tap bolǵan áieldiń esimi jasyrylǵan)", - deidi Perýashev.
Aryzdanýshy 17 sáýirde ózine jazylǵan mundai qorlaý usynystarǵa jaýap bermei, elemegen eken.
"Alaida 15 mamyrda usynystar taǵy qaitalanǵan jáne áiel adamnyń aitýynsha, Asqar Sadyqov júieli túrde basqa kúnderde de jynystyq bopsalaýdy jalǵastyrǵan. Biraq Sadyqovtyń depýtattyq qol suǵylmaýshylyqqa ie ekendigine bailanysty, harassmentke tap bolǵan jábirlenýshi quqyq qorǵaý ornyna júgine almaǵan.
Pleným barysynda osyndai áshkere bolǵan zańsyz áreketterge jol berilmeitindigi týraly eskertýime jaýap retinde Asqar Sadyqov "óziniń depýtat ekenin jáne kimge ne qalasa sony aitýǵa quqyly ekendigin" aitty. Sondyqtan biz bul kedergini alyp tastadyq, al Asqar Sadyqovty depýtattyq mártebesinen aiyrý týraly qabyldanǵan sheshim áiel adamǵa ar-namysy men qadir-qasietin qorǵaýǵa múmkindik beredi", - delingen jazbada.
Perýashevtiń sózinshe, Sadyqovtyń laiyqsyz minez-qulqynyń basqa da faktileri bar, sonyń negizinde osyndai sheshim qabyldanǵan eken.
"Olardyń keibireýleri quqyq qorǵaý organdarynyń da nazaryn aýdarýy múmkin, ondai jaǵdaida qajetti kómek kórsetýge daiynbyz. Kórip otyrǵandaryńyzdai, óte las jaǵdai bolǵan. Bireýdiń habarlamalaryn oqyp, ony jariialaýǵa esh quqym joq edi. Alaida bizdiń únsizdigimizdi bireýler basqasha túsingen siiaqty, suhbattyń birinde ózin 1937 jylǵy repressiialar qurbandarymen salystyryp, "shyndyq" úshin jazym bolǵandai qylyp jetkizgen Asqar Sadyqov ta soǵan sebepshi. Bul "shyndyqtyń" da shynaiy bet júzin kórsetýge májbúrmiz, odan basqa da epizodtar men qujattar jeterlik", - deidi Azat Perýashev.
Pleným naqty faktilerge súiene otyryp, Asqar Sadyqovty partiiadan shyǵarý týraly sheshim qabyldaǵan.
"Sonyń ishinde bul jaǵdailardyń (birnesheý) odan da qaýipti saldary bolmas úshin. Ózge adamdardyń ar-namysy men jeke ómirine qatysty bolǵasyn bul jaǵdaidy kópshilik aldyna shyǵarý maǵan óte jiirkenishti bolsa da, osy másele tóńiregindegi daý-damai men alypqashpa áńgimelerdiń núktesin qoiýǵa májbúrmin", - dep túsindirdi Perýashev.
Buǵan deiin Májilis depýtaty Asqar Sadyqov mártebesine sai kelmeitin áreket jasaǵany úshin Aqjol partiiasynan ketkeni týraly habarlaǵan edik.
QR Ortalyq sailaý komissiiasy "Aq jol" dempartiiasynyń usynymyn boiynsha Májilis depýtaty Asqar Sadyqovty depýtattyq mandatynan aiyrdy. Bul sheshimge Asqar Sadyqovtyń depýtattyń mártebesine sai kelmeitin áreketterge barǵany negiz bolǵan.
Atalmysh faktini partiialyq organdar óz betinshe anyqtaǵan jáne QDP plenýmynda qaralǵan soń, Asqar Sadyqov partiiadan shyǵaryldy, soǵan bailanysty ol depýtattyq mandatynan aiyryldy.
