پارلامەنتتەگى ارىپتەسىنە ۇياتسىز حاتتار جازدى دەپ ايىپتالعان اسقار سادىقوۆ مالىمدەمە جاسادى، - دەپ حابارلايدى Dalanews.kz.
ايتا كەتەيىك، 4 قىركۇيەكتە "اقجول" پارتياسىنىڭ جەتەكشىسى ازات پەرۋاشيەۆ دەپۋتات اسقار سادىقوۆ نە ءۇشىن پارتيادان شىعارىلعانىن تۇسىندىرگەن بولاتىن. پەرۋاشيەۆتىڭ سوزىنشە، پارتيا اتىنا اسقار سادىقوۆقا قاتىستى ءبىرقاتار شاعىم تۇسكەن، وندا ايتىلعان جايتتار پلەنۋمدا قارالىپ، ءتيىستى شەشىم شىعارىلعان. سونىمەن قاتار، پەرۋاشيەۆ سادىقوۆ ايەل ادامعا ۇياتسىز ۇسىنىستار جاساپ، قىسىم كورسەتكەنىن ايتتى.
اسقار سادىقوۆ وسىعان قاتىستى الەۋمەتتىك جەلىدەگى پاراقشاسىندا مالىمدەمە جاسادى. ول جالپى "حالىق يگىلى ءۇشىن جۇمىس ىستەپ جۇرگەنىن" ايتتى.
"مەن التى بالانىڭ اكەسىمىن جانە ازات پەرۋاشيەۆتىڭ مالىمدەمەسىنە قاتىستى پىكىر بىلدىرەيىن دەپ ەدىم. مەنى لاس ويىندارىڭىز بەن مانيپۋلياسيالارىڭىزعا ارالاستىرماۋدى سۇرايمىن. مەن ەندى ءۇنسىز قالمايمىن. ونىڭ مالىمدەمەسى پارتيا جەتەكشىسىنىڭ دەڭگەيىنە ساي كەلمەيدى. ءبىراق ازات پەرۋاشيەۆتىڭ ءوزى حالىقتى اداستىرعان كەزى دە بولعان. ونىڭ جۇمىس ءستيلى سونداي بولسا كەرەك. ازات پەرۋاشيەۆ، ەگەر مەنى پارتيادان شىعارعىڭىز كەلسە باسقا دالەلدەر كەلتىرسەڭىز بولار ەدى، ءبىراق سىزدە ول دا جوق. مەنەن ءالى كۇنگە دەيىن تۇسىنىكتەمە الىنعان جوق.
ەكىنشىدەن، پارتيا باسشىلىعى بۇل جايت تۋرالى ماعان ەسكەرتپەدى. ۇشىنشىدەن، بۇل ماسەلە ءماجىلىستىڭ تارتىپتىك كەڭەسىندە تالقىلانعان جوق. ءسىزدىڭ مالىمدەمەڭىزدى وقىپ تاڭعالىپ وتىرمىن. ءبىراق ءسىزدىڭ بۇعان دەيىنگى جالعان مالىمدەمەلەرىڭىز باق-تىڭ ەسىنە تۇسەدى دەپ ويلايمىن. ازات پەرۋاشيەۆ وسى اقپارات ارقىلى ءوزىنىڭ ورىنباسارى جەمقور دەگەن اقپاراتتى جاسىرىپ قالعىسى كەلگەن بولار. مەنىڭ ويىمشا، ازات پەرۋاشيەۆ، ءسىز ماقساتىڭىزعا جەتتىڭىز"، - دەيدى سادىقوۆ.
ەسكە سالايىق، كەشە ازات پەرۋاشيەۆ دەپۋتات اسقار سادىقوۆتىڭ پارتيادان شىعارىلۋىنا قاتىستى مالىمدەمە جاساعان بولاتىن.
"شاعىمداردىڭ دەنى ونىڭ تەرىس ىس-ارەكەتتەرىنە، اتاپ ايتقاندا، وكىلەتتىگىن اسىرا پايدالانۋ مەن ەتيكالىق نورمالاردى بۇزۋىنا بايلانىستى بولدى. شاعىمداردىڭ ءارقايسىسى بويىنشا جەكە-جەكە فاكتىلەر كەلتىرۋگە بولاتىن بولسا دا، ءبىر عانا مىسالدى اتاپ ءوتۋ جەتكىلىكتى دەپ ويلايمىن.
ماسەلەن، پارلامەنتتە (پارتيادا ەمەس) جۇمىس ىستەيتىن ءبىر ايەل ادام اسقار سادىقوۆتىڭ بىرنەشە رەت ۇياتسىز ۇسىنىستار جاساپ، قىسىم كورسەتكەنى تۋرالى ايتىپ، ارىزداندى. ول ءوزىنىڭ سوزىنە دالەل رەتىندە ۋاتسابىنا اسقار سادىقوۆتان كەلگەن حابارلامالاردىڭ سكرينىن كورسەتتى (ەتيكالىق سەبەپتەرگە بايلانىستى ونىڭ بوپسالاۋىنا تاپ بولعان ايەلدىڭ ەسىمى جاسىرىلعان)"، - دەيدى پەرۋاشيەۆ.
ارىزدانۋشى 17 ساۋىردە وزىنە جازىلعان مۇنداي قورلاۋ ۇسىنىستارعا جاۋاپ بەرمەي، ەلەمەگەن ەكەن.
"الايدا 15 مامىردا ۇسىنىستار تاعى قايتالانعان جانە ايەل ادامنىڭ ايتۋىنشا، اسقار سادىقوۆ جۇيەلى تۇردە باسقا كۇندەردە دە جىنىستىق بوپسالاۋدى جالعاستىرعان. ءبىراق سادىقوۆتىڭ دەپۋتاتتىق قول سۇعىلماۋشىلىققا يە ەكەندىگىنە بايلانىستى، حاراسسمەنتكە تاپ بولعان جابىرلەنۋشى قۇقىق قورعاۋ ورنىنا جۇگىنە الماعان.
پلەنۋم بارىسىندا وسىنداي اشكەرە بولعان زاڭسىز ارەكەتتەرگە جول بەرىلمەيتىندىگى تۋرالى ەسكەرتۋىمە جاۋاپ رەتىندە اسقار سادىقوۆ "ءوزىنىڭ دەپۋتات ەكەنىن جانە كىمگە نە قالاسا سونى ايتۋعا قۇقىلى ەكەندىگىن" ايتتى. سوندىقتان ءبىز بۇل كەدەرگىنى الىپ تاستادىق، ال اسقار سادىقوۆتى دەپۋتاتتىق مارتەبەسىنەن ايىرۋ تۋرالى قابىلدانعان شەشىم ايەل ادامعا ار-نامىسى مەن قادىر-قاسيەتىن قورعاۋعا مۇمكىندىك بەرەدى"، - دەلىنگەن جازبادا.
پەرۋاشيەۆتىڭ سوزىنشە، سادىقوۆتىڭ لايىقسىز مىنەز-قۇلقىنىڭ باسقا دا فاكتىلەرى بار، سونىڭ نەگىزىندە وسىنداي شەشىم قابىلدانعان ەكەن.
"ولاردىڭ كەيبىرەۋلەرى قۇقىق قورعاۋ ورگاندارىنىڭ دا نازارىن اۋدارۋى مۇمكىن، ونداي جاعدايدا قاجەتتى كومەك كورسەتۋگە دايىنبىز. كورىپ وتىرعاندارىڭىزداي، وتە لاس جاعداي بولعان. بىرەۋدىڭ حابارلامالارىن وقىپ، ونى جاريالاۋعا ەش قۇقىم جوق ەدى. الايدا ءبىزدىڭ ۇنسىزدىگىمىزدى بىرەۋلەر باسقاشا تۇسىنگەن سياقتى، سۇحباتتىڭ بىرىندە ءوزىن 1937 جىلعى رەپرەسسيالار قۇرباندارىمەن سالىستىرىپ، "شىندىق" ءۇشىن جازىم بولعانداي قىلىپ جەتكىزگەن اسقار سادىقوۆ تا سوعان سەبەپشى. بۇل "شىندىقتىڭ" دا شىنايى بەت ءجۇزىن كورسەتۋگە ءماجبۇرمىز، ودان باسقا دا ەپيزودتار مەن قۇجاتتار جەتەرلىك"، - دەيدى ازات پەرۋاشيەۆ.
پلەنۋم ناقتى فاكتىلەرگە سۇيەنە وتىرىپ، اسقار سادىقوۆتى پارتيادان شىعارۋ تۋرالى شەشىم قابىلداعان.
"سونىڭ ىشىندە بۇل جاعدايلاردىڭ (بىرنەشەۋ) ودان دا ءقاۋىپتى سالدارى بولماس ءۇشىن. وزگە ادامداردىڭ ار-نامىسى مەن جەكە ومىرىنە قاتىستى بولعاسىن بۇل جاعدايدى كوپشىلىك الدىنا شىعارۋ ماعان وتە جيىركەنىشتى بولسا دا، وسى ماسەلە توڭىرەگىندەگى داۋ-داماي مەن الىپقاشپا اڭگىمەلەردىڭ نۇكتەسىن قويۋعا ءماجبۇرمىن"، - دەپ ءتۇسىندىردى پەرۋاشيەۆ.
بۇعان دەيىن ءماجىلىس دەپۋتاتى اسقار سادىقوۆ مارتەبەسىنە ساي كەلمەيتىن ارەكەت جاساعانى ءۇشىن اقجول پارتياسىنان كەتكەنى تۋرالى حابارلاعان ەدىك.
ق ر ورتالىق سايلاۋ كوميسسياسى "اق جول" دەمپارتياسىنىڭ ۇسىنىمىن بويىنشا ءماجىلىس دەپۋتاتى اسقار سادىقوۆتى دەپۋتاتتىق مانداتىنان ايىردى. بۇل شەشىمگە اسقار سادىقوۆتىڭ دەپۋتاتتىڭ مارتەبەسىنە ساي كەلمەيتىن ارەكەتتەرگە بارعانى نەگىز بولعان.
اتالمىش فاكتىنى پارتيالىق ورگاندار ءوز بەتىنشە انىقتاعان جانە قدپ پلەنۋمىندا قارالعان سوڭ، اسقار سادىقوۆ پارتيادان شىعارىلدى، سوعان بايلانىستى ول دەپۋتاتتىق مانداتىنان ايىرىلدى.
