Birinshi, «Qazaqstan Respýblıkasyndaǵy saılaý týraly» Konstıtýsıalyq zańnyń (budan ári – Konstıtýsıalyq zań) 28-baby 3-tarmaǵynyń talaptaryna sáıkes efır men baspa alańyn berýdiń mólsheri, sharttary men tártibi týraly málimetterdi tıisti buqaralyq aqparat quraldary saılaý aldyndaǵy úgit júrgizý bastalǵanǵa deıin bes kúnnen keshiktirmeı (2020 jylǵy 18 shildeden keshiktirmeı) habarlanýǵa jáne jarıalaýǵa, sondaı-aq Ortsaılaýkomǵa usynýǵa tıis. Buqaralyq aqparat quraldary kandıdattardyń úgit materıaldaryn ornalastyrý, taratý úshin efır ýaqytyn, baspa alańyn jáne baspa alańyna aqy tóleý mólsheri, usyný sharttary men tártibi týraly málimetter jarıalanǵanǵa deıin usyna almaıdy.
Ekinshi, Konstıtýsıalyq zańnyń 13-babynyń 4-tarmaǵyna, sondaı-aq 2020 jylǵy 12 tamyzǵa taǵaıyndalǵan Qazaqstan Respýblıkasy Parlamenti Senaty depýtattarynyń kezekti saılaýyn ázirleý men ótkizý jónindegi negizgi is-sharalardyń kúntizbelik josparyna sáıkes oblystyq, Nur-Sultan, Almaty, Shymkent qalalarynyń saılaý komısıalarynyń quramdary 2020 jylǵy 22 maýsymnan keshiktirilmeı buqaralyq aqparat quraldarynda jarıalanýǵa tıis.
Úshinshi, saılaý aldyndaǵy úgit kandıdattardy tirkeý merzimi aıaqtalǵan sátten, ıaǵnı 2020 jylǵy 23 shildede saǵat 18.00-de bastalady jáne 2020 jylǵy 11 tamyzda jergilikti ýaqyt boıynsha nól saǵatta aıaqtalady.
