UQK Sybailas jemqorlyqqa qarsy qyzmeti memlekettik shekara arqyly taýardy zańsyz importtaý arnasynyń jolyn kesti, dep habarlaidy Dalanews.kz.
Sot sanktsiiasymen Batys Qazaqstan oblysy Memlekettik kiris departamentiniń basqarma basshylarynyń biri men elorda turǵyny ustalyp, qamaýǵa alyndy.
Olar aqshalai syiaqyǵa bola elge halyq tutynatyn taýarlardy kedergisiz ákelýge sheteldikterge kómektesken.
"Olardyń 100 mln teńgeden asa para alǵany protsestik turǵydan qujattalǵan. Aldyn ala esep boiynsha memleketke keltirilgen shyǵyn - 1,9 mlrd teńge", - dep jazylǵan habarlamada.
