Atyraý oblysynda para daýyna ilikken eki politsei qyzmetinen bosatyldy, dep habarlaidy Dalanews.kz
Atyraý oblysynyń Maqat aýdanynda mas kúiinde kólik basqarǵan júrgizýshiden zańsyz aqsha alǵan eki politsiia qyzmetkeri jumystan shyǵarylǵan.
Aldyn ala málimetke sáikes tártip saqshylary jol erejesin buzǵan júrgizýshini toqtatyp, ony júrgizýshi kýáliginen aiyrmaý úshin 300 myń teńge alǵan. Alaida kelisimge qaramastan, er adam ákimshilik jaýapkershilikke tartylǵan.
Osydan keiin júrgizýshi berilgen aqshany qaitarýdy talap etken. Aqyr aiaǵynda ol ishki qaýipsizdik qyzmetine shaǵym túsirgen.
24 jeltoqsanda kúdikti dep tanylǵan eki politsei aýdandyq politsiia bóliminiń jeke quramyna arnalǵan jinalys kezinde ustaldy. Sol kúni qylmystyq is qozǵalyp, olar ýaqytsha ustaý izoliatoryna qamaldy.
Qyzmettik tekseris qorytyndysy boiynsha qyzmetkerler teris sebeptermen politsiia qatarynan shyǵarylǵan.
