Pavlodar oblysy boiynsha Sybailas jemqorlyqqa qarsy qyzmet prokýratýranyń úilestirýimen «Ertis ormany» memlekettik orman tabiǵi rezervatynyń basshysynyń para alý faktilerin anyqtady, dep habarlaidy Dalanews.kz.
Ol kásipkerlerge ormandy zańsyz keskeni jáne satqany úshin para alýdyń qylmystyq shemasyn uiymdastyrǵan.
Aǵymdaǵy jyldyń 26 qańtarynda tergeý sotynyń sanktsiiasymen rezervat basshysy 2 ai merzimge qamaýǵa alyndy.
"Sonymen qatar, rezervattyń bes býhgalterine qatysty sotqa deiingi tergeý júrgizilýde, olar 2021-2023 jyldar aralyǵynda ózderiniń kartochkalyq shottaryna, sondai-aq mekemeniń jumys istep turǵan jáne burynǵy qyzmetkerleriniń shottaryna jalaqyny esepteý jáne aýdarý arqyly 25 mln teńge somasynda asa iri mólsherde biýdjet qarajatyn jymqyrǵan", - dep jazdy Antikordan.
Keltirilgen materialdyq zalal ishinara óteldi.
Tergeý jalǵasýda.
Qylmystyq-protsestik kodeksiniń 201-babyna sáikes ózge aqparat jariia etýge jatpaidy.
