Para aldy degen kúdikke ilingen korporatsiia qyzmetkerlerine qomaqty aiyppul salyndy, - dep habarlaidy Dalanews.kz Antikorǵa siltep.
Astana qalasynyń qylmystyq ister jónindegi aýdanaralyq sotynyń úkimimen "Azyq-túlik korporatsiiasy UK" AQ qarjy departamentiniń direktory N.G. Jumadilov jáne bas mamany G.J. Ábenov sottaldy.
Olar kásipkerden qujattardy jinaý boiynsha buryn kórsetken qyzmetteri úshin, sondai-aq astyq túrinde taýarlyq nesie berý týraly shartqa qol qoiýǵa kómekteskeni úshin para aldy dep kúdiktendi.
Sottalǵandarǵa qatysty sot sheshimimen memlekettik qyzmette jáne kvazimemlekettik sektor sýbektilerinde laýazymdardy atqarý quqyǵynan ómir boiyna aiyra otyryp, jalpy somasy 48 mln teńge aiyppul túrinde jaza taǵaiyndaldy.
Qala prokýratýrasy úkimdi bas bostandyǵynan aiyrý jazasyna ózgertý boiynsha apelliatsiialyq ótinish engizdi.
QR QK 41-babyna sáikes aiyppul belgilengen merzimde tólenbegen jaǵdaida jaza sharasy bas bostandyǵynan aiyrýǵa aýystyrylady.
Úkim zańdy kúshine engen joq.
