Panteonǵa aqsha joq
«Panteonǵa aqsha joq. Bul maqsattarǵa eshqandai aqsha qarastyrylmaǵan. Biyl biýdjette qurylysqa aqsha qarastyrylmaǵanyn aita alamyn. Kelesi jylǵa da qarastyrylmaǵan», – dedi ol Astanada Sheteldik investorlardyń Keńesiniń otyrysyndaǵy úziliste.
Eske salaiyq, osyǵan deiin 2016 jyldyń sońyna deiin Astana qalasynyń shekarasy 9 myń gektarǵa keńeitiletini habarlanǵan edi. Nazarbaev jyl saiynǵy halyqqa Joldaýynda halyqaralyq áýejaidy keńeitý qajettigin aitqan bolatyn. Osyǵan orai qala ákimdigi irgeni keńeitýge 3340 gektar jer bóldi. Qazir onda úlken áýejaidyń qurylysy júrip jatyr. Sonymen qatar, shahardy odan saiyn úlkeitý maqsatynda taǵy 7300 gektar bólindi. Maibalyq kóline deiin. Ol jer turǵyndar demalatyn oryn bolmaq.
Osyǵan deiin elorda ákimdigine silteme jasaǵan BAQ-tar Ulttyq panteon qurylysynyń tehnikalyq-ekonomikalyq negizdemesiniń quny 79 milliard teńge delingen málimet taraǵan bolatyn. Keiin QR qarjy ministri Baqyt Sultanov 79 milliard teńgege panteon salýǵa qatysty pikirinde panteon salýǵa jumsalatyn qarajat jaily aitýǵa erte ekenin málimdegen bolatyn.
