Bishkekte bolǵan oqiǵadan deiin Pákistan Qyrǵyzstanda oqyp jatqan stýdentterin qaitaryp jatyr. Bul týraly Pákistannyń syrtqy ister ministri Muhammed Ishak Dar málimdedi, - dep habarlaidy Dalanews.kz.
"Keshe Pákistanǵa kommertsiialyq reispen 130-ǵa jýyq stýdent oraldy. Búgin úsh kommertsiialyq arnaiy reis uiymdastyryldy. Taǵy 540 stýdent qaita alady, jalpy sany - 670 adam", - dep jazylǵan "Azattyq" radiosy málimetinde.
Basylym málimetinshe, Muhammed Ishak Dar Qyrǵyzstan syrtqy ister ministri Jienbek Qulybaevpen telefonmen kelissózder júrgizip, Bishkektegi Pákistan azamattaryna qatysty bolǵan oqiǵa týraly talqylaǵan. Bul jóninde 19 mamyrda Qyrǵyzstan SIM jazdy.
"17 mamyrda áleýmettik jelilerde birneshe adamnyń tóbelesip jatqan videosy tarady, avtorlar onyń ishinde shetel azamattary bar dep málimdedi, al keibir jeli qoldanýshysy Qyrǵyzstan azamattaryn soqqyǵa jyǵylǵan dep jazdy. Sol videodan keiin 18 mamyrǵa qaraǵan túni Bishkektiń shyǵys jaǵynda adamdar jinala bastady", - dep jazylǵan "Azattyq" dereginde.
Ishki ister ministrligi túnde qalada jinalǵandar sany 700-ge jetti, al tańerteń olardyń bári tarady dep habarlady.
Bishkek militsiiasy bul oqiǵadan soń qylmystyq kodekstiń 278-baby ("Jappai tártipsizdik") jáne 330-baby ("Násildik, ulttyq, dini nemese aimaqaralyq arazdyqty qozdyrý") boiynsha is qozǵalǵanyn jáne shetel azamattary turatyn jataqhanaǵa kirip, zorlyq-zombylyq jasaǵan jergilikti tórt turǵyndy anyqtaǵanyn habarlady. Aqparatqa qaraǵanda, militsiia olardyń ekeýin jáne tórt shetel azamatyn ustaǵan.
Qyrǵyz úkimeti 18 mamyrǵa qaraǵan túni Bishkektegi tártipsizdik kezinde 29 adam zardap shekti, onyń 15-i aýrýhanaǵa jetkizildi dep habarlady.
Keiinge resmi aqparatqa sáikes, zardap shekken úsh shetel azamaty aýrýhanada jatyr, olardyń hali turaqty.
Byltyrǵy resmi málimetterge sai, Qyrǵyzstanda 80 myńnan asa shetel stýdenti oqyp jatyr, bul - eldegi stýdentterdiń 35 paiyzy. Shetel stýdentteriniń 61 paiyzy – úndistandyq, 32 paiyzy – pákistandyq.
