Janqosh Turarov "qyz zorlady" degen aqparatqa alǵash ret jaýap berdi,- dep habarlaidy Dalanews.kz.
"Úsh qyz ósirip otyrǵan ákemin. Tósektes qyz kerek bolsa, maǵan zorlamai-aq keletin jaǵdaiym bar! Qaidan shyqqan jala ekenin ózim de túsinbei otyrmyn.
Qazir máseleniń mán-jaiyn anyqtap, kim, qandai jala taǵyp otyrǵanyn anyqtaityn bolamyn!", - deidi Turarov.
Eske salaiyq, buǵan deiin qazaqstandyq kásipqoi boksshy Janqosh Turarov qyz zorlady degen aqparat taraǵan bolatyn. Aqparat "Pisma prezidentý" telegram arnasynda tarady.
Oqiǵa 19 tamyz kúni túngi on birler shamasynda bolǵan. Almaty qalasy Áýezov aýdanynyń politsiia basqarmasyna turǵyn úilerdiń birinde zorlyq jasalǵany týraly habar túsken.
28 jastaǵy jábirlenýshi tanymal kásipqoi boksshy Janqosh Turarovtyń ústinen aryzdanǵan. 33 jastaǵy sportshyny ustaý úshin tiisti sharalar qabyldanyp jatyr, delingen jelidegi aqparatta.
Almatynyń Politsiia departamenti bul derekke qatysty pikir bildirdi.
Kelip túsken aryzǵa bailanysty Áýezov aýdandyq politsiia Basqarmasy qylmystyq is qozǵalǵan. Sot-meditsinalyq saraptama taǵaiyndaldy.
"Qazir oqiǵanyń tolyq mán-jaiyn anyqtaý úshin tergeý júrip jatyr", - delingen politsiia habarlamasynda.
Aita keteiik, Janqosh Jasulanuly Turarov 1990 jyly 20 qarashada Jambyl oblysynda týǵan. Kásipqoi boksshy. 2023 jyly naýryzda IBO nusqasy boiynsha birinshi jartylai orta salmaqtaǵy álem chempiony atandy.
Úilengen, jubaiymen úsh qyz tárbielep otyr.
