Demokratiialyq reformalarǵa kelsek, bir jaǵynan sailaý zańnamasyn, saiasi partiialar týraly, beibit mitingiler men sherýler ótkizý jaiyndaǵy zańdardy yryqtandyrý júrip jatyr, ekinshi jaǵynan elimizdiń árbir azamaty júgine alatyn Konstitýtsiialyq sot qurylýda. Adam quqyqtary jónindegi ýákilge konstitýtsiialyq mártebe berildi.
Mundai ózgerister bizdiń kásipodaq uiymdarynda ainalyp ótpeýi kerek. Jańa Qazaqstannyń kásipodaq uiymdary da zaman kóshine laiyqty jumys isteýi kerek. Búginde kópshilik qaýymǵa kásipodaq jaiynda áńgime aitsań, olar Keńes zamanyndaǵy santoriiǵa joldama taratatyn mekemeni eske alady. Qazirgi zamanny kásipodaq uiymdary eńbek naryǵynda óz orynyn oiyp turyp alýy kerek. Sol kezde ǵana bizdiń jumysymyz alǵa basatyn bolady.
Bul úshin eń aldymen ulttyq zańnamaǵa ózgerister engizý qajet. Zańnamaǵa ózgertýler engizý platforma qyzmetkerleriniń kásipodaqtar qurý quqyǵyn, onyń ishinde olardyń quqyqtary men múddelerin qorǵaý, kelissózder júrgizý, kelisimder men ujymdyq sharttar jasaý múmkindigin qamtamasyz etý úshin qajet.
Olar salalyq jergilikti kásipodaqtarǵa birigip, mamandandyrylǵan qoǵamdyq birlestikter qura alar edi. Ol úshin kásipodaq uiymdaryn qurý úshin qyzmetkerlerdiń naqty sanattaryn anyqtap, platformalyq jumyspen qamtý salasynda áleýmettik áriptestikti damytýǵa konsýltativtik qoldaý kórsetý qajet.
Sonymen qatar, kásipodaq jetekshileri tsifrlyq platformalar jumysshylary men jumys berýshilerdiń quqyqtyq mártebesin anyqtaý, sondai-aq halyqaralyq standarttardy, múmkin halyqaralyq eńbek uiymynyń platformalyq jumysqa ornalastyrý boiynsha jańa konventsiialaryn ázirleýi kerek dep sanaimyn.
Platforma jumysshylary men tsifrlyq platformalardyń ózderi týraly derekter bankin qurý, ulttyq deńgeide platformany jumyspen qamtýdy jáne oǵan qatysýshylardy retteitin zańdardy qabyldaý jáne olardy áleýmettik dialogqa tartý qajet.
Erbolat Satybaldin, «Kásip qorǵan» salalyq kásipodaǵynyń tóraǵasy, Ulytaý oblystyq máslihatynyń depýtaty
