دەموكراتييالىق رەفورمالارعا كەلسەك, بٸر جاعىنان سايلاۋ زاڭناماسىن, ساياسي پارتييالار تۋرالى, بەيبٸت ميتينگٸلەر مەن شەرۋلەر ٶتكٸزۋ جايىنداعى زاڭداردى ىرىقتاندىرۋ جٷرٸپ جاتىر, ەكٸنشٸ جاعىنان ەلٸمٸزدٸڭ ەربٸر ازاماتى جٷگٸنە الاتىن كونستيتۋتسييالىق سوت قۇرىلۋدا. ادام قۇقىقتارى جٶنٸندەگٸ ۋەكٸلگە كونستيتۋتسييالىق مەرتەبە بەرٸلدٸ.
مۇنداي ٶزگەرٸستەر بٸزدٸڭ كەسٸپوداق ۇيىمدارىندا اينالىپ ٶتپەۋٸ كەرەك. جاڭا قازاقستاننىڭ كەسٸپوداق ۇيىمدارى دا زامان كٶشٸنە لايىقتى جۇمىس ٸستەۋٸ كەرەك. بٷگٸندە كٶپشٸلٸك قاۋىمعا كەسٸپوداق جايىندا ەڭگٸمە ايتساڭ, ولار كەڭەس زامانىنداعى سانتورييعا جولداما تاراتاتىن مەكەمەنٸ ەسكە الادى. قازٸرگٸ زاماننى كەسٸپوداق ۇيىمدارى ەڭبەك نارىعىندا ٶز ورىنىن ويىپ تۇرىپ الۋى كەرەك. سول كەزدە عانا بٸزدٸڭ جۇمىسىمىز العا باساتىن بولادى.
بۇل ٷشٸن ەڭ الدىمەن ۇلتتىق زاڭناماعا ٶزگەرٸستەر ەنگٸزۋ قاجەت. زاڭناماعا ٶزگەرتۋلەر ەنگٸزۋ پلاتفورما قىزمەتكەرلەرٸنٸڭ كەسٸپوداقتار قۇرۋ قۇقىعىن, ونىڭ ٸشٸندە ولاردىڭ قۇقىقتارى مەن مٷددەلەرٸن قورعاۋ, كەلٸسسٶزدەر جٷرگٸزۋ, كەلٸسٸمدەر مەن ۇجىمدىق شارتتار جاساۋ مٷمكٸندٸگٸن قامتاماسىز ەتۋ ٷشٸن قاجەت.
ولار سالالىق جەرگٸلٸكتٸ كەسٸپوداقتارعا بٸرٸگٸپ, مامانداندىرىلعان قوعامدىق بٸرلەستٸكتەر قۇرا الار ەدٸ. ول ٷشٸن كەسٸپوداق ۇيىمدارىن قۇرۋ ٷشٸن قىزمەتكەرلەردٸڭ ناقتى ساناتتارىن انىقتاپ, پلاتفورمالىق جۇمىسپەن قامتۋ سالاسىندا ەلەۋمەتتٸك ەرٸپتەستٸكتٸ دامىتۋعا كونسۋلتاتيۆتٸك قولداۋ كٶرسەتۋ قاجەت.
سونىمەن قاتار, كەسٸپوداق جەتەكشٸلەرٸ تسيفرلىق پلاتفورمالار جۇمىسشىلارى مەن جۇمىس بەرۋشٸلەردٸڭ قۇقىقتىق مەرتەبەسٸن انىقتاۋ, سونداي-اق حالىقارالىق ستاندارتتاردى, مٷمكٸن حالىقارالىق ەڭبەك ۇيىمىنىڭ پلاتفورمالىق جۇمىسقا ورنالاستىرۋ بويىنشا جاڭا كونۆەنتسييالارىن ەزٸرلەۋٸ كەرەك دەپ سانايمىن.
پلاتفورما جۇمىسشىلارى مەن تسيفرلىق پلاتفورمالاردىڭ ٶزدەرٸ تۋرالى دەرەكتەر بانكٸن قۇرۋ, ۇلتتىق دەڭگەيدە پلاتفورمانى جۇمىسپەن قامتۋدى جەنە وعان قاتىسۋشىلاردى رەتتەيتٸن زاڭداردى قابىلداۋ جەنە ولاردى ەلەۋمەتتٸك ديالوگقا تارتۋ قاجەت.
ەربولات ساتىبالدين, «كەسٸپ قورعان» سالالىق كەسٸپوداعىنىڭ تٶراعاسى, ۇلىتاۋ وبلىستىق مەسليحاتىنىڭ دەپۋتاتى
