“Ózenmunaigaz” AQ Burǵylaý jumystary basqarmasynyń qyzmetkerleri jumystaryna qaita oraldy, dep habarlaidy Dalanews.kz.
“QazMunaiGaz” kompaniiasynyń habarlaýynsha, 5 jeltoqsanda ÓMG-ge qarasty Burǵylaý jumystary basqarmasynyń qyzmetkerleri kásipodaqpen kelissózder júrgizgen.
Atalǵan kelissózder nátijesinde ruqsatsyz aktsiia toqtatylyp, ÓMG Burǵylaý jumystary basqarmasynyń jumysshylary jumys oryndaryna tolyq oraldy. Sonymen qatar túsindirý men talqylaýdy talap etetin máseleler bitimgerlik komissiia otyrysynda zańǵa sáikes quqyqtyq normalar sheńberinde qaralatyn bolady
“QR zańnamasyna sáikes eńbek qatynastary úshinshi tulǵalardyń aralasýynsyz syndarly dialog negizinde tikelei jumys berýshi men jumysshylar arasynda rettelýi tiis ekenin habarlaimyz.“QazMunaiGaz” dialogqa árdaiym ashyq jáne týyndaǵan máselelerdi qoldanystaǵy zańnyń aiasynda sheshý úshin ózara tiimdi bailanys ornatýǵa daiyn”, - delingen málimette.
Eske salaiyq, buǵan deiin "QazMunaiGaz" UK AQ Jańaózen qalasyndaǵy "Ózenmunaigaz" AQ-daǵy jaǵdaiǵa qatysty málimdeme jasaǵan bolatyn.
Ulttyq kompaniianyń baspasóz qyzmetiniń dereginshe, biylǵy 12 qarashada «Ózenmunaigaz» AQ-ǵa qarasty Burǵylaý jumystary basqarmasy (BJB) qyzmetkerleriniń kásipodaǵy ruqsatsyz aktsiia uiymdastyryp, birqatar talap qoiǵan. Ózenmunaigaz basshylyǵy BJB jumysshylarymen turaqty túrde kelissóz júrgizip keledi.
Sonymen qatar, 2024 jyly 3 jeltoqsanda «QazMunaiGaz» UK AQ Basqarma tóraǵasynyń orynbasary Bekzat Abaiyldanov Burǵylaý jumystary basqarmasy qyzmetkerlerimen kezdesip, olardy jumysqa shyǵýǵa shaqyrdy. Kelissóz qorytyndysy boiynsha hattama jasaldy:
- Ruqsatsyz aktsiiaǵa qatysqan BJB qyzmetkerleri tolyq quramda jumysqa shyǵýy kerek.
2. Hattamanyń birinshi tarmaǵy oryndalǵan jaǵdaida, jumysshylarǵa QMG jáne ÓMG tarapynan tártiptik jaza qoldanylmaidy;
3. Barlyq qoiylǵan talap QR zańnamasyna sáikes bitimgerlik komissiia otyrysynda qaralsyn.
Hattama ruqsatsyz aktsiiaǵa shyqqan jumysshylardyń nazaryna jetkizildi. Alaida, ÓMG BJB kásipodaq tóraǵasy oǵan qol qoiýdan bas tartty.
QR zańnamasyna sáikes eńbek qatynastary úshinshi tulǵalardyń aralasýynsyz tikelei jumys berýshi men jumysshylar arasynda rettelýi tiis ekenin habarlaimyz.
Sonymen qatar «QazMunaiGaz» komapniiasynyń Telegram arnasyna jariialanǵan habarlamada ÓMG zeinetkerleriniń (burynǵy qyzmetkerleriniń) balalary kompaniianyń shtatyna tikelei alynsa, 2020 jyly bekitilgen jumysqa ornalasý algoritmin buzalatynyn alǵa tartqan edi. Munda «Algoritmge sáikes ÓMG zeinetkerleriniń balalary men jumyssyz azamattar 50/50 proportsiiasy boiynsha teń dárejede jumysqa qabyldanady. Bul talapty oryndaý múmkin emes, óitkeni jumysqa ornalasý kezegin kútip otyrǵan Jańaózen qalasynyń basqa jumyssyz turǵyndarynyń quqyǵyn buzady» delingen.
