Ózbekter avtokóliktiń on túri qurastyrýǵa kiristi
Kompaniia avtokólikke qajetti bólshekterdi shetelden jetkizý qiyndap ketýine bailanysty osyndai sheshim qabyldaǵan.
UzAuto Motors 1 aqpanǵa deiin avtokólik saýdasyn toqtatqan soń, kompaniia baǵany ósirýi múmkin degen áńgime tarady. Monopolist osyǵan qatysty saýaldarǵa ázirge jaýap bergen joq.
Ózbekstan premer-ministriniń orynbasary, investitsiia jáne syrtqy saýda ministri Sardor Ómirzaqovtyń aitýynsha, úkimet avtomobil óndirisindegi monopoliiany joiýdy kózdeitin qadamdar jasaýy múmkin.
"Avtomobil shyǵaratyn birneshe kompaniia Ózbekstanda jumys istei bastady nemese jumys isteidi. Ózbekstanda bul salada monopoliia bolmaýy tiis" dedi ministr.
Birneshe kompaniia Ózbekstanda avtomobil qurastyra bastaǵany málim boldy. Olardyń arasynda Renault (Frantsiia), AvtoVAZ (Resei) jáne KIA (Ońtústik Koreia) bar. Jizaqtaǵy erkin indýstriia aimaǵynda avtokóliktiń on túri qurastyrylyp jatyr.
"Avtostat" agenttiginiń málimetinshe, biyl alty aida ózbek naryǵynda 101,5 myń avtomobil satylǵan.
