Kólik ministri Nurlan Saýranbaevtyń aitýynsha, astyq tielgen shamamen 11 myń vagonnyń kidirýine júk tasymalynyń kúrt artýy sebep bolǵan, al Ózbekstan mundai aýqymdaǵy júktemege daiyn emes, dep habarlaidy Dalanews.kz.
Nurlan Saýranbaevtyń sózinshe, buǵan deiin shekara táýligine 24 poiyzdy qabyldai alatyn. Alaida Aýǵanstan tarapynan Resei men Qazaqstannan ákelinetin ónimder men taýarlarǵa suranys artqandyqtan, júk kólemi táýligine 35 poiyzǵa deiin kóbeigen.
«Olarda lokomotivter jetispeidi jáne basqa da máseleler bar. Infraqurylymǵa kóp qarajat salyp jatyr, olar da damyp keledi. „Qazaqstan temir joly“ basshylyǵy sol jaqqa baryp, bul máselelerdi talqylady. Mysaly, úsh kún buryn bizde derlik 11,5 myń vagon bolsa, búgin odan azyraq, 8 myńǵa deiin ketip jatyr. Jaǵdai jaqsaryp keledi, qabyldaý kólemi ulǵaidy», - dedi ministr.
Ol aldaǵy ýaqytta ahýaldyń tolyq jaqsaratynyna senimdi ekenin aitty.
