Ózbek biligi "halal" dep kórsetip, alkogoldik ónimder satpaityn on meiramhanany japty.
Qoǵamdyq tamaqtaný oryndarynyń ieleri kúsh qyzmetkerleri spirttik ishimdikter satylatyn bolsa, qaita ashýǵa múmkindik beremiz dep eskertti deidi.
"Sanitarlyq-epidemiologiialyq stantsiia ashanany, salyq inspektorlary kassany jáne qujattardy tekserdi. Qaýipsizdik qyzmetkerleri meiramhanalardyń namazhanasyn qarap shyǵyp, qyzmetkerlerdiń dini kózqarasyn surady jáne mobildi telefondaryn tekserdi", - dedi Ozdolik radiosyna tashkenttik kásipkerlerdiń biri.
Basqa da kafe-meiramhanalardyń ieleri quqyq qorǵaý organdary ókilderiniń kelip, reid júrgizgenin jetkizgen.
Jabylǵan meiramhanalar Tashkenttiń ártúrli aýdandarynda ornalasqan. Biraq olardy biriktiretin ortaq nárse – alkogoldik ishimdikter satpaǵany.
Restoratorlardyń aitýynsha, jasyryn tekserýler bolǵan, nátijesinde reid júrgizý úshin "halal" meiramhanalardyń tizimin qurǵan. Kúsh qurylymdary tamaqtaný oryndarynyń ielerine spirttik ishimdik satý úshin litsenziia alýdy jáne "halal" degen jazýlardy alyp tastaýdy usynǵan.
Bul shara biliktiń "dini radikaldanýǵa" qarsy áreketi ekeni aitylady.
Human Rights Watch uiymynyń sońǵy baiandamasynda Ózbekstan din erkindigi shektelgen elder qatarynda sipattalǵan.
